綠置居2022，已定於9月29日開始接受申請，不少合資格人士都已經磨拳擦掌準備申請，但講到買樓上車，除了錢，其實亦很容易觸發家庭糾紛，認真要三思。有網民在連登討論區發帖向網民求救，因父母要求自己用綠表抽居屋，但女朋友又不想跟自己父母同住而煩惱不已，這種情形，究竟大家有甚麼意見呢？
樓主本身有同女朋友用白表抽居屋，但父親不斷叫他抽綠表，但樓主了解就算用綠表抽中居屋，女朋友一定不肯跟父母同住，即使勉強嘗試亦一定會起爭執，雖然父親告訴他稍後會同老婆返大陸長住，居屋單位將屬於樓主，但樓主心知母親根本不願意，只是父親騙他抽居屋的藉口。而樓主本身就打算稍後和女朋友搬出去租屋住，於是發帖問網民遇上此情形如何處理。
樓主父親叫樓主用綠表抽居屋，說日後層樓會歸樓主所有，但樓主心知母親不會搬走，而女朋友又不想跟父母同住，打算跟女友搬出去住……
公屋甩戶籍同女友結婚抽白核？﹗
原來不少網民都感受到件事「有伏」：「唔會信啦，你呀媽唔肯最後咪又一齊住，婆媳糾紛」、「單位面積細，唔係廢老，居屋/綠置最大得一房=380呎=困獸鬥」、「梗係唔綠置！等間樓又買埋，你供，但父母永不搬出」，更有網民迅即回應：「過來人表示咪中伏」；有網民亦同意樓主租樓可能更好：「租樓煩小好多野就租啦」。有網民就建議樓主：「你甩戶籍同女友結婚，下年抽白核，你老豆老母下年自己抽綠表&綠置，中哂就兩層樓」，聽落好理想，但好多網民潑冷水：「中左先諗啦，講到實中咁」、「諗咁多做乜，你知唔知有幾難中」，甚至有網民覺得：「有公屋，人生贏家，做乜走啊！」
網民認為居屋同綠置居單位面積細，女友同父母的確容易有摩擦。
網民亦覺得樓主父親聲稱稍後會搬走，只是騙樓主買樓及供樓的藉口，父母應該會一直同住。
有網民覺得本身有公屋，其實已經是人生贏家，毋須急於買樓搬走；亦有人潑冷水，謂樓主真的抽到樓才作打算。
text/Joyce
photo/HKET圖片庫
============
同場加映：
【蝸居睇樓團】龍師傅話你知！五門歸心只係傳聞？！ 屋企對住醫院、公路、火車軌 一定唔好？！
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】大派AIA嘉年華門票＋代幣200套！↓
↓ 免費入場！玩盡機動及攤位遊戲！↓
↓【限時搶】Super Sports Park入場門票！↓
↓ 全港最大的室內運動遊樂場！ / 超過20款運動設施！ ↓
