【陳煒結婚】陳煒與醫生男友正式簽紙結為夫婦！老公晒愛的宣言 新娘婚紗鑽石首飾行頭過百萬
人稱「煒哥」的藝人陳煒今日（9月26日）下午與陳國強醫生已正式簽紙成為夫婦，同日晚上於尖沙咀半島酒店Garden suite設宴，邀請一眾好友歡度兩人「陳陳聯婚」的大喜日子，而煒哥更在社交網公開新娘禮服相，女人味滿溢，不少網民紛紛送上祝福。
一對準新人於傍晚6時許在酒店門外見記者，陳煒以全白低胸婚紗現身，孖住陳醫生大晒鑽戒，又應要求與丈夫作狀錫錫影相。其後，陳醫生就現場晒愛的宣言，承諾一生一世愛錫煒哥，但煒哥就頓時打趣稱：「好似係我照顧你多啲...」
今次婚禮場地佈置，採用繡球裝飾襯搭綠葉玫瑰的花藝設計，由拱門、迎賓區、再慢行至宴會廳，每處都放有這夢幻色調元素的花藝設計，一步一步引領各位全情投入煒哥與陳醫生的浪漫時刻。
這次煒哥穿著的婚紗，是由其好友何國鉦設計，一共有兩套婚紗、一套晚裝。當中一套婚紗裙身就釘上數千粒施華洛世奇水晶，因為滿佈水晶，所以份量十足，再配襯一條珍珠頸鏈，加上以鑽石鑲嵌成花型的珠珠耳環，整套婚紗加上手飾大約花費七位數字！
此外，一對準新人為到場賓客預備了獨一無二的紀念品，現場設置互動體驗Perfume Bar，會因應來賓個人喜好調配出獨特香氣作為回禮。另外主人家亦為晚宴的所有賓客精心準備了一份神秘禮物，每人都會有一個刻有嘉賓名字的香檳金絲絨盒，而裏面裝滿新人的心意，當中有相架、香水、金屬戒指碟、糖果、朱古力、曲奇餅等。
婚禮在晚上8時開始，煒哥穿上長袖透視蕾絲大澎裙的婚紗，並披上頭紗，在恩師鄭偉強的陪同下進入會場，之後鄭生就將煒哥交到陳醫生手中，並説：「你一定要好好對佢，如果唔係我唔會放過你。You are a lucky guy!」其後煒哥與陳醫生在眾親友見證下交換結婚介指，並且在眾人起哄下三度親吻，相當恩愛。
之後煒哥向在場的好友一一道謝，煒哥表示：「今晚到嚟嘅全部都係好錫我同陳醫生嘅朋友，首先要好感激鄭偉強先生陪我進場，響呢度無人俾佢夠有資格。因為佢係主宰我呢26年嘅演藝人生嘅好重要嘅一個人，當年如果唔係佢喺垃圾桶執返我份報名亞洲小姐履歷資料，就肯定冇今日嘅陳煒。 」
陳醫生再發表愛的宣言：「要多謝嘅人，佢都講晒。我想講，我以前叫佢Honey，但今日之後會改口，叫佢陳太或者老婆。過往佢陪伴咗我4年，呢段時間係我人生中，最開心嘅日子，多謝你，I love you！」説到這裡，全場都已拍晒手掌。然後續說：「同埋我想係呢度回應佢之前講50年不變嘅報道，我係度講我係會50年+1日不變，嚟緊呢段時間都會錫你、寵你、愛你！」在場所有人士都很滿意這段愛的宣言，而煒哥亦回應陳醫生絕對是一個很細心的好老公。從這段對話中，看出煒哥與陳醫生恩愛非常，相當幸福。
最後，來到拋花球環節，在場原來只有兩位單身女士，在朱晨麗及江美儀的熱烈競爭下，結果由朱晨麗成功奪得。
圖及來源：TVB節目截圖
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【寵主請留步】《社群》送您AQUA PRO+TECH「寵物護理入門套裝」🛁！
