長沙灣司機違泊兼留恐嚇字句「抄我牌者,X你全家」下場陰功豬被網民瘋狂恥笑!

2022.09.28

本港違例泊車問題一向嚴重,近日網上流傳一輯相片,長沙灣有一輛黑色七人車違例停泊在雙黃線,疑似司機更公然向警方「下戰書」,在車頭擋風玻璃留下夾雜粗口的紙條「抄我牌者,X你全家」,語氣頗為猖狂。據悉,涉事司機不單止要食「牛肉乾」,七人車更被警方拖走,帖文引起大量網民嘲笑。

事發位於長沙灣海達邨,從相片所見一輛黑色七人車違例停泊在雙黃線,車頭擋風玻璃留下「抄我牌者,X你全家」紙條,公然挑戰法紀。深水埗警區交通隊人員周一(26日)下午5時多發現該車違泊時,已發出一張告票,直至晚上8時許再到附近巡查發現車輛仍未駛走,再度發出告票並安排拖走七人車。

事件引起網民熱議,紛紛恥笑涉事司機「唔留字仲可能放你一馬」,指車主「自己申請」被拖車、「唔抄你牌直接勾車」,又笑言「你X人,人X你」、「呢D咪型囉,唔只320」,亦有人指出車主「又唔俾人抄牌,俾唔起停車場錢,就唔好學人揸車出街啦」,揶揄被拖車罪有應得。

深水埗警區事後在Facebook發文,指留意到日前有司機違泊並挑戰執法人員,警方表示對此舉行為絕不妥協,指「會堅決採取零容忍的態度,果斷執法,同時亦呼籲駕駛者切勿罔顧公德心」。

圖及來源:FB@香港馬路炸彈資料庫FB@深水埗警區


 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】西班牙Valor無添加糖85%黑朱古力!↓

↓ Bean to Bar生產 / 不含麩質!準時入App換領! ↓

 ↓ Bean to Bar生產 / 不含麩質!準時入App換領! ↓

↓【U Jetso】便利妥®「噴鼻妥」!↓

↓ 立即入App睇換領詳情 ↓

↓ 立即入App睇換領詳情 ↓

評語

相關文章