網民求救:簽咗臨時租約 先知廚廁都無抽氣扇 連浴室寶都唔畀裝 係咪應該繼續租?

2022.09.30

租屋時除了揀地區揀價錢之外,其實上門視察單位以及簽租約,都要打醒十二分精神!有租屋網民在連登討論區求救,說租了一個舊樓單位,簽了臨時合約之後,才發現廚房及廁所都無抽氣扇!經過商討,業主只肯出錢裝廚房抽氣扇,不肯裝廁所抽氣扇,話上手租客住了10年都毋須抽氣扇云云……究竟現在樓主應該點做呢?

廚廁無抽氣扇   業主連浴室寶都唔畀裝!
樓主看中的是個舊式屋苑單位,租金16K,「全屋有個新廚櫃,新爐頭,其他乜都無了。睇完樓覺得OK,簽左臨約,之後上去度尺,發現原來廚房連抽油煙機都無,而且因為廚櫃問題無得再裝,之後發現連抽氣扇都無!廚房同廁所都無……因為好老實講,租左幾年樓搬過兩次,見個單位都四正無諗過呢d基本野竟然都無,第一次睇真係無為意……之後去同業主商量,佢本身話廚房可以佢出錢裝抽氣扇,抽油煙機因為廚櫃安裝有問題,裝唔到,因為少煮野食,我都無提出過要搞抽油煙機。但廁所佢唔肯出錢,佢話上手租客租左10年都唔駛,佢地住係同一個屋苑都係唔駛,單位通風好好唔駛抽氣扇」!

雖然樓主覺得廁所不能開窗,「辦大事」後應該會很臭,但由於太太怕冷,所以決定在廁所裝浴室寶,連地產agent都覺得當初睇樓時無發現無抽油煙機,都要負上責任,也肯一同夾錢,誰知業主「點知宜家業主話好煩,直頭唔比裝,話會整到佢廁所d野,佢唔出錢亦都唔比裝,廚房本身佢話肯比錢,宜家話都唔裝,我覺得真係好X野蠻」,而樓主即將要簽正約,話諗住可能住一年算數,又驚簽約時見到業主,會忍唔住嗌交,想問吓網民意見。

樓主看中一個舊樓單位,租金16K,誰知簽了臨約才發現單位設備出問題。

樓主發現新屋的廚廁都無抽氣扇。

而廚房亦無抽油煙機。

樓主想在廁所裝浴室寶,連地產agent都同意夾錢,但業主竟然不准樓主裝。

睇樓要睇清楚單位有乜嘢設備先好簽約
但網民都覺得弄得如此局面,樓主自己絕對要負上責任:「自己不看清楚先簽,怨得邊個?」、「呢啲都唔睇,你睇樓係睇啲咩」、「無人覺得樓主先on9?睇樓一睇就知有無抽油煙機同抽氣扇」,樓主回應:「我都認on9,但有時睇樓睇間隔睇其他野,真係會忽略左,因為我覺得好理所當然係會有」,有網民就叫樓主忍讓一下,見步行步:「No la,無野係理所當然,你情我願下亦都唔可以將責任推俾業主。佢自己住同屋苑都無裝都生存到,所以佢既生活習慣話俾會知無問題。當然我覺得唔ok,唯有態度好小小囉。不過業主呢家咁僵,你見步行步。」

網民都認為樓主睇樓時無睇清楚單位的設施,絕對要負上責任。

寧願蝕租同按金,搵過第個單位好過?!
有網民就覺得樓主應該放棄簽正約:「張約應該有一個位係寫間屋有咩設備? 譬如2個抽氣機2部冷氣咁?簽約時冇睇定冇寫? 簽臨約未簽正約即係未畀哂按金?只係畀咗一期,直接同佢講唔租啦。」、「你自己唔睇清楚嫁on9?蝕一個月俾佢啦!搵另一間仲好啦!」,但樓主回應:「畀咗一期,唔租即係都要白蝕畀佢,同埋宜家單位都要搬,所以真係煩」,但有網民提醒樓主,業主日後都會有機會留難他:「有時呢啲位要止蝕,呢種業主好X,你走嗰時佢一定拖你按金亂扣你或者唔畀你,要你追,睇你都唔似鬧得交嘅人同埋怕煩嘅人就止蝕金。不過我係你,唔租之後我會話佢失實誤導,追返佢一個月按金,你預咗冇嚟玩就唔同心態,隨時追得返。」

網民都覺得樓主不如蝕租同按金,另找其他單位租。

同業主累鬥累  唔交租兼放木蝨
有網民就認為如果真係租下這個單位,大可以同業主惡鬥惡:「租完你惡過佢都仲得啦!」、「尾2個月唔交租啦,常識嚟」,樓主就回應:「盡可能都唔想做衰人,但宜家有啲覺得佢逼9我搞事,如果想搞串佢,應該都係最後2個月唔交租,然後啲嘢最後用得有咁殘得咁殘」,網民更加諗到租約期滿搬走前,要為業主留下手尾:「冇抽油煙機咪冇抽油煙機囉,成個廚房都係油漬都唔關你事,廁所冇抽氣扇發晒霉都唔關你事」、「唔好幫佢地清潔添,畀我就日日煎牛排」、「我都係咁話。完約前一個月搵好地方,早幾個禮拜搬走曬傢俬,到完約前一個禮拜keep住煎牛扒煮海鮮。就算屋企有抽油煙機,一晚都仲有陣牛味。可想言(而)知,何況無機……」。有網民更加諗出「毒計」:「租客玩到條X樣仆街都得,識人退租前去買木蝨返黎周圍養」,但網民就話其實只會影響到下手租客:「呢啲唔顯眼嘅嘢,只會玩到下一手租客,佢又唔係嗰到住」。有網民就為樓主歸納出兩個建議:「1. 自己裝,走之後駛多筆錢還原;2. 唔裝住一年,走之前幫佢間屋裝修」。

若樓主真的入住這單位,有網民說笑叫樓主臨走前不妨日日煎牛扒,弄污單位才走。

text/Joyce
photo/HKET圖片庫

============
同場加映:
【蝸居睇樓團】290呎大埔夫婦上車盤變日式部屋 和風茶室延伸客廳、屏風窗台變打卡位

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

評語

相關文章