網民熱議：買樓揀景觀 海景以外仲有乜嘢景最好？ 內園景有乜優點？
不少人買樓，除了看地區、間隔及交通等，對單位的景觀亦很講究。有網民在連登討論區發帖，問網民揀家居單位景觀來說，如果首選是海景的話，次選會是甚麼？引來網民熱烈討論，由香港那裏的海景最靚，以至山景好還是萬家燈火的樓景好……而內園景其實有甚麼優點，當中意見的確「發人深省」。
白加道、貝沙灣、利東邨，邊度海景最靚？
講到那裏的海景靚，網民已經有不同意見：「第一中嘅第一：港島望維港景（望尖沙咀）；第一中嘅第二：港島望維港景（望觀塘）；第一中嘅：港島南望全海景」，誰知有網民回應：「港島望維港，冬天凍X到仆街，利申望緊」，又有網民話：「尖沙咀望港島維港景靚好多wo」，有網民就覺得港島半山望到的海景最無敵：「我都覺尖沙咀望港島靚啲，但如果高度係白加道三軍司令官邸果種，係唔同感覺，會有一種大地在我腳下統治感，所以果邊有幾個官邸」，亦有人覺得向日方向的海景，可以順道欣常日落：「覺得望南中國海果邊最正，仲有日落睇，可惜西斜」，亦有網民力撐港島南區海景才是無敵：「南區全海景係正」、「未住過先會咁講，之前租過一排貝沙灣，個景悶X到仆街」、「利東邨高層有，隨時仲正過隔離啲幾千個嘅豪宅景，仲有嘉隆苑」，不過亦有網民很心水清地講出家有靚海景的缺點：「海景最麻煩係潮濕」。
網民爭論欣賞維港景，究竟是由港島望向九龍好，還是由九龍望向港島好？
有網民表示講到由港島望維港景，最正一定是白加道一帶的豪宅，有種大地在我腳下的感覺。
亦有不少網民認為港島南區如貝沙灣的海景才是無敵。
網民指鴨脷洲利東邨的海景，勝過貝沙灣。
香港仔嘉隆苑亦是另一個以座擁無敵海景聞名的居屋屋苑。
萬家燈火好feel 啲？定係要山景？
有網民好有詩意地喜歡萬家燈火的景象：「認真，市景嗰種萬家燈火」、「同好，不嬲都覺得萬家燈火有feel好多」，但究竟那裏才可找到類似景觀呢？「多數要係山上面先得，例如半山或者寶雲匯之類，瑪嘉烈醫院都得。不過呢啲地方交通好似比較唔方便，有冇人知有邊到可以有咁既景仲要交通方便既？」，有網民回應：「白加道」，亦有網民話：「深水埗高過30層可能已經有！問題係個區太雜太舊太窮，就算交通好方便你都唔會鐘意」。
亦有人提名：「山景同河景最好」，但網友反駁：「山景一定多蚊蟲到仆街」、「山景夜晚會漆黑一片，我自己就唔鍾意」，雖然有網民說海景晚上一樣漆黑一片，但亦有例外：「睇下邊種，維港海景，深井雙橋景，有燈光同其他野襯托就靚好多」、「馬灣青馬大橋景都靚」。
有網民就偏愛居高臨下看到萬家燈火的畫面。
網民認為山景只有日間靚，而且有機會會多蚊，不及海景受歡迎。
低層泳池景可以睇人游水？
內園景亦有網民揀：「識揀一定係內園景，永久景觀，夠熱鬧又唔會受馬路噪音影響」，但似乎同意的人不多：「內園景係唔差， 但你呢到無光入， 又太近對面樓，好壓迫」、「係，我去tko，見到頭暈」，但有人反駁：「你識咩，呢啲係香港特色！」，「講真山景定內園景都好，最X緊要係開揚，上面講萬家燈火都係有開揚呢個先決條件先咁好feel」，當然網民亦有另類選擇，例如「低層泳池景」，但跟住就有網民反駁：「你只會見到大叔大嬸肥佬肥婆游水」，不過亦有網民話：「都唔係呀，會所成日都有d 年輕人妻」。更有想像空間的提議是：「緊係咪對住消防局日日望住d消防仔仔做gym景第一」、「對面屋睡房（全屋都係後生女果種）」，立刻有網民回應：「大學宿舍 」。
有網民覺得內園景的優點，是永久景觀，而且不受馬路噪音影響，但亦有網民覺得壓迫感太大。
亦有網民喜愛低層泳池景，但被反駁只會見到大叔大嬸游水。
text/Joyce
photo/HKET圖片庫
============
同場加映：
【蝸居睇樓團】290呎大埔夫婦上車盤變日式部屋 和風茶室延伸客廳、屏風窗台變打卡位
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
