新樓租盤最平只需每月8千幾蚊？ 網民熱議：掃管笏一帶究竟好唔好住？

掃管笏環境清幽？較適合退休生活？
樓主表示最近從地產經紀口中得知，屯門掃管笏有幾個新樓盤嘅單位僅以8千多元出租，但亦考慮到掃管笏嘅位置比較偏僻，所以就問網民對於住喺掃管笏嘅意見。對於掃管笏究竟好唔好住，有網民就認為掃管笏環境清幽，對於有私家車的人嚟講幾好住：「環境清淨，一啲都唔嘈」、「就黎(嚟)住夠2年，方便就一定唔會，但環境係舒服的，至少我的鼻敏感好左(咗)好多」、「果(嗰)區好多鬼佬，鍾意揸車其實幾好住，就係鍾意佢夠山旯旮」、「有渣車其實ok」，而有網民則認為掃管笏較適合退休人士居住：「岩(啱)退休人仕(士)」、「唔駛(使)出市區工作既(嘅)退休人士都OK好住，過左(咗)返工放工時間先出街，去黃金海岸食個早午餐，再望住個海沉思半日，晚上再去三聖食個海鮮晚餐，正」

鄰近黃金海岸有優勢？鄰居友善又會互相幫忙？
亦有網民認為鄰近屯門黃金海岸為掃管笏其中嘅一大優勢，而且租金的確便宜：「黃金海岸staycation求其都1500-2000啦，底(抵)住呀」、「夏天得閒行落黃金泳灘望下囡囡又一日」、「有時渣車落黃金好chill」，有網民就指掃管笏嘅鄰居大多都比較友善，而交通方面亦非真有太大問題：「其實ok，首先d(啲)人幾後生唔難相處，交通係問題，不過習慣左(咗)就冇野(嘢)」、「好好住，鄰居多後生比較友善，有車一流，但無車都係接受範圍，睇住app夠鐘就落樓坐252，5-8分鐘到轉車站，去港島都係40分鐘夾埋，唔知點解咁多人講到接受唔到」、「返工其實返九龍港島，有左(咗)轉車站之後已經方便左(咗)好多，而家都多左(咗)直出的特別車，252都加密到10-15分鐘就有。另外掃管笏入面幾個屋苑都有好多團購團，有海鮮，有生果，有宵夜，在入面住的人又可能都知比較唔方便，所以都會有個group，大家有咩需要咁咪幫下手，我都問鄰居借過開瓶器同電鑽」

有網民認為掃管笏有舒適的居住環境，特別適合駕駛人士以及退休人士。

亦有網民認為較多年輕人居住於掃管笏，鄰居普遍都比較友善，又會相約一起團購。

樓下連便利店都冇？就算有揸車都會經常遇上塞車？
網民嘅意見亦非只有正面，有網民就指掃管笏並唔好住，認為區內交通不便以及生活配套不足：「唔好住，交通唔方便又冇配套」、「交通問題最嚴重，番(返)放工時間真係慘絕人環(寰)，除非唔洗(使)番(返)工」、「簡單講，步行5分鐘步程內乜都冇，7-11、超市都冇一間，要搭車出去，但全日既(嘅)巴士線只有2條去屯門既(嘅)K車，同去屯門轉車站既(嘅)252，全部非繁忙都要15-20分鐘(一)班，其他巴士都只係返工時間幾班」，更有網民指住就算有揸車亦有塞車問題，以及區內車位租金昂貴：「掃管芴真係頂級ONx 任何一個好天既(嘅)星期日/大時大節，上次中秋為例... 青公(青山公路)塞x到傻，屯門入去由市中心塞緊」、「揸車？車位4千幾蚊個月，仲要未必有」、「有車都麻煩，青公(青山公路)成日塞左出九龍右入屯門，上到屯公(屯門公路)又係塞，車位四五千都未必有位，泊街夜晚都抄牌」

市區單位更理想？鄰居質素參差？
有網民則認為於計算額外所需嘅車費以及時間後，其實租住市區單位更為理想：「掃管笏開放式租8000幾但係市區開放式都係10000，車費時間都喺度，塞車問題仲有人口愈來愈多，樓係幾新，會所又大嘅，但係太遠啦如果市區返工」，更有網民認為掃管笏一帶嘅品流比較複雜，以及鄰居質素參差：「啲私樓唔x好住，鄰居唔係地盤佬，倫敦金就中國人，不過都有退休人士，但係一到紅日同星期日夜晚就嘈到xx，唔洗(使)返工返學咁，同埋呢度都幾多地盤佬包件MK妹，成日都見到有幾對出街同落會所」

有網民認為掃管笏一帶經常會有塞車問題，而且車位租金亦並不便宜。

有網民則認為若租住掃管笏一帶需額外付上更多的時間以及金錢，租住市區單位為更好的選擇。

text/Jonathan
photo/HKET圖片庫

============

同場加映：

【蝸居睇樓團】龍師傅話你知！五門歸心只係傳聞？！ 屋企對住醫院、公路、火車軌 一定唔好？！