觀塘樓上舖小動物主題精品店 逾百款!貓頭鷹年輪擺設、鯨鯊陶瓷餐具

2022.10.06

香港地有唔少日本家品店或雜貨店,產品大部分以簡約、和風設計為主題,偶爾都會有啲貓狗圖案或造型的家品,但為數實在不多。今次小編就揾到一間主要以動物為主題嘅生活選物店,如果鐘意可愛家品式者係小動物嘅你就要睇埋落去啦~

CuteQDay 由2位同樣都好鍾意小動物嘅80後青年創立,店內嘅每樣貨品也要好似佢哋店名一樣咁「CuteQ哋」,希望顧客見到咁可愛嘅家品,都有好治癒嘅感覺。

Felissimo 貓部 貓咪拉長身體毛巾 $218
由著名人氣插畫師「霜田有沙」創作,靈感嚟自抱起屋企主子時貓咪以後腳站立嘅模樣,背部、尾巴同肉球等圖案都很造得非常逼真,超級可愛!貓咪嘅雙手設有暗扣,方便掛喺毛巾架上,防止滑落。


Plumpy 動物立體造型天然木筷子 $88
採用日本天然木材製作而成,筷子頂端仲有超可愛嘅貓咪、柴犬、兔兔或熊仔造型嘅立體木雕,手工精緻,令人愛不釋手!


波間の甚兵衛 鯨鯊美濃燒陶瓷餐具系列 $68起
以「沖繩美麗海水族館」嘅鯨鯊為主題,表面用上特殊釉料營造出浪花嘅效果,配以可愛嘅鯨鯊、海豚及小丑魚圖案,色彩鮮明,充滿海洋氣息!成個系列仲有十幾款唔同尺寸及形狀嘅碗碟餐具選擇~


幸福開運年輪陶瓷擺設 $239
日本京都龍虎堂RYUKODO嘅「幸福開運小擺設」,以一隻隻肥嘟嘟嘅貓咪、柴犬、貓頭鷹同達摩砌成好似「Donut 」咁得意嘅年輪,寓意平安祥和,招財進寶!


天然植物纖維清潔海綿及抹布 清潔海綿 $48;抹布 $68(細)$88(大)
由天然植物纖維跟棉製成,質地柔軟、吸水性強、能輕易擰乾,可以用熱水浸泡清洗或消毒,唔怕刮傷廚具之餘,亦無咁易滋生細菌或產生臭味,比一般抹布更耐用及衛生!


小動物冷熱敷香薰眼枕 $128 
多款得意可愛嘅小動物造型,配以軟綿綿嘅毛絨外層,超舒服。內膽仲可以拆出嚟放入雪櫃冷藏或以微波爐加熱,冷熱敷均可,熱敷可以促進血液循環,冷敷可以消腫去瘀,啱哂成日對住手機同電腦嘅都市人啦~

Friendshill 小動物隔熱手套 $108
隔熱手套外觀設計成唔同嘅小動物圖案,好似舉起手同你Say Hello咁樣,真係好cute啊!


丸モ高木陶器 狗狗熱感變色杯 $198
當你倒入熱飲時,杯上嘅狗狗剪影圖案就會慢慢由黑色轉為色彩繽紛嘅和式花紋,溫度越高,顏色轉變得越快!


CuteQDay有9成以上嘅貨品都係用小動物嘅圖案或造型做主題嘅,除咗比較熱門嘅貓同狗之外,仲有狐狸仔、刺蝟、貓頭鷹、水獺,甚至乎近期大熱嘅海洋生物,鯨鯊、海豚、鯨魚都會有,鍾意小動物或可愛家品嘅你就唔好錯過。


【INFO】
CuteQDay 
地址:觀塘開源道72-80號溢財中心12樓1212室
營業時間:星期一至日 1-8pm
電話:93149410
網址:www.cuteqday.com

text/Phoebe
photo/Kuen
============
同場加映:
【蝸居睇樓團】龍師傅話你知!五門歸心只係傳聞?! 屋企對住醫院、公路、火車軌 一定唔好?!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】請您同毛孩免費住酒店!↓

↓立即分享寵物照片 贏走獎品!↓

↓立即分享寵物照片 贏走獎品!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章