鍾嘉欣懶理被爆雙面人是非無視負評 開直播宣布生完第三胎正式「封肚」

2022.10.06

陀住第三胎的鍾嘉欣產期在即,日前亦不忘在社交網站開直播大談近況和湊仔經,表示自己孕期前後都比以前輕鬆,又可以照顧一對仔女和家人,直播中鍾嘉欣全程坐着,見她容光煥發,期間她透露今次誕下第三胎後便會「封肚」,實行三個就夠晒數!

下嫁脊醫老公後,鍾嘉欣先後誕下大女Kelly和二仔Jared,今年再懷第三胎,早前亦公開了肚裡佗著的是位小千金。鍾嘉欣在直播中自言心情緊張:「可能第一胎咩都唔識,好勇敢,反而第三胎有少少緊張,而Kelly同Jared非常興奮,兩個小朋友討論緊邊個幫妹妹換片,邊個負責餵奶,邊個嚟幫我,佢哋好期待同妹妹玩。我哋好期待一家五口嘅生活,冇諗過咁快由一家四口變成五口,要重新適應新成員加入。」

鍾嘉欣又透露第三胎跟以往一樣都是選擇順產、在家中自然分娩,而她亦宣布生完第三胎後「封肚」,故此今次懷孕她特別影家庭照留念。而鍾嘉欣又指最近每日都排到密密麻麻十分忙碌,一邊廂要為新成員而準備所需用品,另一邊廂又要安排Kelly和Jared返學所需東西:「已經準備好BB需要嘅用品,其實每一日真係好忙碌,都會好攰好攰,但係一切都係值得嘅。」

此外,嘉欣自言比起一般大肚婆更有Energy,直言「由第一胎後一段時間才開始飲滴雞精,覺得效果好好,於是到佗Jared時,一開始就認真飲滴雞精,效果更加顯著,Jared出世時更是非常足磅,產後腰痠、掉髮的情況獲得很大的改善,也沒有乳塞情況。所以第三胎懷孕同坐月都會飲。」

鍾嘉欣又表示今次直播之後,她會專心照顧三名子女,因為要照顧兩個小朋友已經不易,要照顧三個小朋友,對她來說是新挑戰,預計「生命又再翻轉一次」,所以要過一段時間後才再跟大家見面。

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】送您最新iPhone 14!↓

↓立即分享美食 贏走獎品!↓

↓立即分享美食 贏走獎品!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章