網民熱議:馬灣到底好唔好住? 會所又大又多設施?有飛機噪音問題?

文: U Magazine
2022.10.10

香港邊一區好住係網民經常討論嘅熱話,而最近就有網民喺連登討論區上發文,表示現時馬灣樓價相對較平,因而就與一眾網民討論馬灣呢一個地區好唔好住,究竟值唔值得喺馬灣買樓自住。

去中環、荃灣都好方便?屬於禁區冇得揸車?

樓主表示現時700萬左右就可以買到馬灣嘅三房單位,並預計年底有望能以約500萬買到中層向海嘅兩房單位,但就考慮到馬灣出入會否唔方便,而管理費又會否比較貴,所以就問網民對於馬灣好唔好住嘅意見。有網民就認為若返工地點位於中環、機場以及荃灣等一帶,其實交通亦算方便:「返中環、機場咪有得諗囉」、「葵涌、荃灣近近地都OK」、「屋企人住嗰度所以成日出入馬灣,如果你返工係荃葵青嘅其實都方便,青衣,葵芳,荃灣都有巴士去,出旺角尖沙咀就45-55分鐘會到,船就半個鐘一班,大約25分鐘由中環到馬灣」,不過亦有網民指馬灣屬禁區範圍,冇得揸車出入並唔方便:「出入唔方便係真,無得自己渣車」

超市、街市、餐廳都有齊?送貨要額外收費?

至於日常生活方面,有網民就認為馬灣配套不足,喺購物方面會有所不便:「荒島,買乜都要去其他區」、「你無夜生活咪ok囉。唔係指夜晚去club果(嗰)啲,係指夜晚買餸煮兩味果(嗰)啲夜生活」,不過亦有網民反駁指馬灣擁超市、街市、餐廳等設施,足以照料到區內居民的日常生活:「點樣荒島法?兩間超市,十幾廿間餐廳,有街市有日用品,你要買乜去其他區?」、「日常生活方面, 超市有fusion同埋U購,村屋果(嗰)面都有幾間鋪仔同埋HKTV mall, 買基本野(嘢)問題不大。餐廳有唔少,基本各類餐廳都有」,亦有網民指於網上購物就能解決問題:「其實而家乜都上網買,問題不大吧」,但有網民就指出送貨到馬灣需額外收費:「要加錢架(㗎),送馬灣一定要加錢架(㗎),HKTVMALL就可以係島上攞貨」

有網民認為馬灣交通亦算方便,去荃灣、葵芳、青衣以及中環等地需時並不多。唯由於馬灣屬禁區範圍,並不可揸車出入。

亦有網民認為馬灣有齊超市、街市、餐廳等,有足夠的日常生活配套設施。

環境舒適又夠Chill?會所多嘢玩又企理?

居住環境方面,有網民就認為馬灣環境舒適以及會所夠大設施齊全:「入面環境一定好,夜晚好多人係(喺)碼頭附近散步,大家都係島民,朝見口晚見面都係同一班人,我覺得嗰度無公屋腥港人小朋友已經差好遠」、「會所大同企理,泳池都有成3個。另外,綠化空間大,空氣唔會太差」、「住就舒服既(嘅),會所夠大夠多設施,Weekend又可以落去沙灘曬太陽,成個島既(嘅)vibes都幾chill,夜晚落街圍住個島跑幾正」,但網民亦指於假日會有特別多外來人:「平日好靜,但一到假期成個島都好x多街外人」

多飛機駛過上空導致又嘈又大塵?

不過亦有網民指馬灣灰塵大之餘亦有潮濕問題導致多蚊蟲滋生:「住過幾年,明明係島,但好x大塵,懷疑因為多大船,多蟲就預左(咗),但好x潮濕,潮濕到會生牆蝨,然後咁x潮濕,柏麗灣又黑廁多,仲要(用)濕x熱水爐」,有網民就認為馬灣灰塵大可能係因多飛機駛過上空所導致:「塵都可能關飛機事,東涌又係勁大塵,仲要好污糟黑色既(嘅)塵」,另外有網民亦認為經常有飛機駛過馬灣上空,所以導致馬灣會有噪音問題:「d(啲)飛機聲好嘈,做乜x咁多飛機係馬灣上面飛?」,雖然有網民就表示自己並沒受到噪音問題影響,但亦有網民指可能係因近年飛機班次有所減少所致:「我就覺得好嘈,依家唔係好多機飛就無乜嘢,遲啲正常番(返)d(啲)飛機真係嘈到x咁」、「可能呢2年係好左(咗)既(嘅)少左(咗)咁多航班,遲d(啲)再多返飛機真係睇你點住落去」

有網民認為馬灣的會所又大又多設施之餘,居住環境亦十分舒適,到碼頭附近散步或去沙灘曬太陽都感覺好Chill。

但亦有網民認為經常有飛機駛過馬灣上空而導致有噪音以及空氣污染問題。

text/Jonathan
photo/HKET圖片庫

============
同場加映:
【蝸居睇樓團】16萬5打造工業X復古風居屋+配打卡Corner、水泥灰半開放廚房

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓