TVB全新才藝比拼節目《全城一叮》翻炒2005年經典《殘酷一叮》變奏版，作為一眾知名度不高的藝人盡展所長的舞台，最新一集當中最吸睛的絕對是曾參加《盛．舞者》、現年32歲的林子超化身變妝皇后表演跳唱《Lindylicious》，更睇到伍詠薇、馮盈盈瘋狂尖叫。
穿大褸出場的林子超開場時懶神秘背向觀眾，大晒男低音為表演揭開序幕，之後一個華麗轉身脫去大褸，晒出驚艷的金髮女郎造型，妖艷的妝容、華麗的高衩舞衣加上高踭長靴，妖味甚濃。
林子超的勁爆舞藝同時焫着全場，並分別做出一字馬、瞓地腿張開及側手翻等高難度動作，大晒驚人柔軟度，成功晉級兼贏得全場掌聲！
患有先天性心漏病的林子超，其實曾做過開胸手術，自小健康便有問題，但熱愛跳舞的他為了追夢排除萬難，林子超又大拋勵志金句：「我覺得有問題唔係好大嘅問題，只要你肯衝破就唔係一個問題！」
事後，林子超在IG開Live分享感受，指為了是次表演籌備了一個月：「高踭鞋都買咗4、5對，比賽嗰對都係表演前兩日先送到香港，同埋要練着高踭鞋行路、跳舞，所有嘢加埋用咗一個月左右。啱啱開始練習時，啲朋友笑我行得似男人，咁我真係男人嚟架嘛。」
林子超續透露化妝用了近4小時，並大爆臨出場前的蝦碌事：「嗰時勁趕，臨出場前先化好妝，仲要唔小心整爛對絲襪，因為未試過着絲襪。」比賽造型如此不簡單，林子超就話：「化妝師幫我試咗4次妝，髮型師試咗2次，服裝師就同我一齊用咗10小時整套衫，整到凌晨5點。」
點擊圖片放大
圖及來源：TVB、節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
