搵食環署、滲水辦定公正行？ 網民熱議：樓上單位漏水唔肯處理可以點做？

可向食環署申請強制入屋作漏水檢查？
樓主表示就懷疑樓上單位漏水一事已向食環署反映，並打算安排做色水測試，但卻遭樓上單位業主拒絕，而問題發生至今已有兩個多月但毫無進展，令佢非常不知所措，只好向一眾網民尋求意見。而眾網民都非常熱心，紛紛向樓主提出解決方法，有網民就指若樓上單位業主不合作的話，可向食環署及滲水辦申請爆門入屋：「食環可以向法庭拎手令爆門入屋，不過佢哋怕麻煩一般都唔會做，你可以試下要求佢哋咁做，佢地唔做就再去申訴專員投訴下(吓)食環，不過都未必有用，叫做無咩成本可以試下(吓)咁」、「滲水辦有權去到申請爆門，但爆門前要玩好多程序，你唯有真係卒(捽)滲水辧跟足啲時間做」，有網民更指過程需時達半年有多：「試過都係屋企滲水，樓上點都要開架(㗎)啦，但佢唔合作食環要跟程序出信，所以冇得催我果(嗰)時半年後先開到門」

搵政府部門浪費時間？搵公正行更好？

亦有網民認為遇上漏水問題，應該要搵公正行幫手處理：「如果惡搞唔合作，公正行係唯一出路，我都玩左(咗)半年多，講梗(緊)樓上都算合作」、「搵公證行證明係同樓上有關，之後拎去法庭民事索償」，亦有網民指政府部門並唔會處理漏水所導致嘅損失：「政府目的只係叫佢整番(返)漏水位，之前漏水整到你屋企爛既(嘅)損失佢地理唔到，所以一開波就搵公正行，之後claim爆樓上老x」，更有網民指搵滲水辦及食環署並無任何幫助：「搵公正行，搵滲水辦真係嘥時間」、「揾(搵)食環真係唗(嘥)氣，好流，揾(搵)食環睇前前後後食環攪(搞)咗大半年出封信話揾(搵)唔到原因close file」

有網民指就算樓上業主不肯合作，亦可向食環署申請強制入屋，不過手續需時達近半年。

亦有網民指向食環署、滲水辦等政府部門投訴既浪費時間又無法索償漏水所導致的損失，建議更應向公正行尋求幫助。

搵水務署暫停樓上食水供應？向法庭申請釘契？

除此之外，網民們亦有建議更多唔同嘅方法，有網民就指若樓上單位為食水喉漏水的話，可以向水務署申請暫停樓上單位嘅食水供應：「樓主可以搵人check下(吓)樓上係咪食水喉漏水，如果係可以搵水務署停佢食水，因為水務條例唔可以浪費食水，食水喉損毀一定要維修」，亦有網民指可向法庭申請將樓上單位釘契：「出律司信俾樓上，再入稟法庭申請釘佢契，釘左(咗)契樓上條傻x就會落黎(嚟)跪求樓豬(主)」，不過亦有網民指若樓上單位不作出售的話，釘契所做成的影響並不大：「如果佢層樓唔賣，你釘契都吹佢唔脹」

應與樓上單位業主好好溝通？定係要「靠惡」？

對於樓上單位業主唔肯合作，有網民就建議應再與業主作溝通：「你試下(吓)好聲好氣同佢講，唔係要佢賠，只係想睇下係唔係真係佢間屋漏水就整返好佢，日日滲水真係攪(搞)唔掂」、「錢事小的話，同純想解決問題，樓主不如直接同上面講你包埋佢維修費？樓上見如果唔使出錢，態度可能即刻唔同曬(晒)」，亦有網民認為「眼不見為乾淨」，建議將屋企漏水問題隱藏：「裝個接水盤引走d(啲)水，再裝個假天花遮住，睇唔到當無事，石屎剝落都有假天花擋住，最多得閒開假天花清下(吓)石屎碎」

不過亦有部份網民就認為應本著「誰大誰惡誰正確」的態度，用報復式嘅行動令樓上單位業主合作：「噪音滋擾/漏水呢啲糾紛，講道理佢唔理唯有靠惡，上去拍門xx佢啦」、「晚晚10點幾上去拍門，或者揀佢有親戚朋友黎(嚟)果(嗰)時上去，帶多一兩個人，同呢啲人要鬥煩」、「你買舊(嚿)野(嘢)反(返)黎(嚟)震x佢幾晚，佢即刻死狗咁求你啦」、「如果可以，久唔久上去關佢水掣，係街捉d(啲)老鼠放佢走廊」

有網民就提出若樓上單位為食水喉漏水，或可向水務署申請暫停樓上單位食水供應，以迫使樓上單位進行維修。

有網民就建議再嘗試與樓上單位業主好好溝通，甚至提出自費解決漏水問題。

不過亦有網民認為應與樓上單位業主「鬥惡」，採取拍門、放老鼠、震樓等報復式方法。