日本終於開關，掛念「家鄉」嘅香港人都第一時間搶機票plan行程到日本一遊，講到日本好玩嘅地方，大家都各有心水，但如果喺日本長住生活嘅話，究竟邊個縣最好住呢？日本一個地產公司網站「いい部屋ネット」就做咗調查，喺2019至2022年期間，訪問咗646,245名20歲以上人士，對自己所住地區嘅滿意度評分，究竟日本人認為日本邊度最好住呢？
第一位：東京都
連續3 年稱冠
連續3 年被選為冠軍嘅，就係我哋都好熟悉又鍾意嘅東京都，致勝關鍵，係東京喺交通便利度、生活便利度、行政服務以及友善度呢4 項，都獲選為全國第一位。
日本網民認為東京嘅交通便利度，係全日本第一位。（source:tokiwa59_for.katsuta@IG）
東京同時喺生活便利度、行政服務以及友善度，都獲選為全國第一位。（source:jiyueizan@IG）
第二位：兵庫縣
有山有海動靜俱備
至於第二位嘅兵庫縣，去年亦同樣為第二位，兵庫縣被譽為環境有山有海，既有繁華嘅神戶市，又有環境比較幽靜兼啱有小朋友家庭嘅明石市。由神戶市往大阪，大約只需半小時車程，而喺交通便利度獲得第5位，喺生活便利度、行政服務以及友善度呢3項，就取得第6 位。
獲選為第二位嘅兵庫縣，首府係我哋熟悉嘅神戶市。 （source: my.sweet.kobe@IG）
網民認為兵庫縣內環境有山有海，交通又方便，相當適合居住。（source: my.sweet.kobe@IG）
第三位：神奈川縣
友善度全國第二位
神奈川縣由去年的第四位升至第三位，由縣內最熱鬧的橫濱市到東京市中心，大約只需40分鐘，除了繁華嘅橫濱市，縣內亦有度假勝地如湘南海岸及箱根等，在友善度獲得第2位，生活便利度獲得第三、交通便利度獲得第四。
神奈川縣嘅排名，由去年嘅第四位上升至第三位。（source: tcc.yokohama@IG）
由橫濱市去東京市中心大約40分鐘車程，在友善度獲得第二位。（source: tcc.yokohama@IG）
神奈川縣有大量度假勝地，我哋熟悉嘅溫泉名所箱根就係其中之一。 （source: mismo_hakone_magazine@IG）
第四位：福岡縣
九州排名最高
作為九州最繁華城市福岡市所在的福岡縣，成為日本人心目中最好住地方的第四位，根據投票結果，福岡縣在行政服務第二位，交通便利度、物價及租金相宜項目亦為第三位，友善度獲得第四位，在生活便利度為第五位。
九州最繁華嘅福岡縣，係日本人心目中第四個最好住嘅地方。（source: kana_travel_insta@IG）
福岡縣在行政服務第二位，交通便利度、物價及租金相宜項目亦為第三位。 （source: fukuoka_official@IG）
第五位：沖繩縣
生活便利度全國第二位
不少香港人都嚮往在沖繩縣生活，入選五甲絕不意外，在當地投票者眼中，在生活便利度得分為全國為第二位，友善度獲得第三位，順利由去年的第六位晉升一級躋身五甲。
香港人好鍾意嘅沖繩縣，為今次選舉中嘅第五位。 （source:okinawa_travel_@IG）
其他躋身十大最好住的縣份
第六位：大阪府
第七位：京都府
第八位：愛知縣
第九位：奈良縣
第十位：埼玉縣
香港人好熟悉嘅大阪，入選第六位。（source: he668800@IG）
--------------------
邊個縣治安最好？邊個縣物價最平？
除了那個縣最好住嘅綜合分數，其實各個項單項冠軍誰屬，都相當有趣。
生活便利度最高：東京都
交通便利度最高：東京都
行政服務度最高：東京都
治安最好：長野縣
親切友善度最高：東京都
物價屋租最平：群馬縣
防災設施：群馬縣
自然觀光資源：島根縣
被選為全日本治安最好嘅縣，係長野縣。（source:ichirojay@IG）
text/Joyce
============
同場加映：
【蝸居睇樓團】360呎青衣舊樓變日式機關屋 睡床衣櫃二合一牆身櫃、流線型廁所連日式衛浴
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】黑酢家日本優質養生食品！↓
↓ 日本直送！適合一眾愛美養生人士！↓
↓【免費送💓】Physiogel皇牌面膜套裝↓
↓ 轉季必備! 抗敏紓緩 x 修復保濕💧↓
評語