季前賽｜ViuTV新劇情簡介+主要演員！姜濤/Ian/Edan/Stanley孭飛擔正 AnsonLo客串登場
ViuTV原創新劇《季前賽》於10月24日（星期一）晚上九點半開播，由姜濤、Ian陳卓賢、Edan呂爵安、Stanley邱士縉、張繼聰主演，同劇還有193郭嘉駿、肥仔梁業、葛綽瑤、陳安立、Phoebus吳啟洋、Marco葉振弘、黃定謙。《季前賽》以籃球作為題材，劇情主要講述三位熱愛籃球的男生重拾昔日籃球夢，對戰全港首屈一指的大學籃球隊的故事。即刻睇睇《季前賽》劇情預告、主要演員角色啦～
【季前賽每周劇情預告】
姜濤、張繼聰二人首次合作拍劇默契十足，一停機就會互相打眼色，走到場邊射籃「挑機」，張繼聰坦言感到年齡大，體力不夠對方好，他指：「呢啲咪就係男人嘅對決囉，主要都係意氣之爭啦！我再一次輸比姜濤，但輸得好愉快，不過我澄清我曾經贏過嘅。其實透過呢啲小遊戲，可以增加大家嘅默契，擺翻落部劇度。」
而姜濤面對張繼聰嘅「唇槍舌劍」明顯招架不住，只好尷尬陪笑稱：「亞聰話我『蝦』老人家，只會向『長者』挑戰，原來都係真，我只挑戰過佢同導演，因為隊友太勁啦！其實我地都係做返自己，全部人都鍾意打波，所以埋位隨時都Ready好。」
姜濤與劇中飾演其弟弟的小演員，雖然年紀有十多年差距，但二人份外投契，姜濤說：「呢個小朋友係我戲中嘅細佬，佢仲話係戲外都想做我細佬，其實我都好想有個細佬，因為我冇兄弟姊妹。尋日我IG有Message話聽日見，以為係佢媽咪，原來係佢自己PM我，真係好識做！」
姜濤表示未來想有小朋友，但係睇見佢地啲功課就投晒降，他指：「依家我都唔係好識佢地啲功課，都唔知依家教緊咩喇，我都唔記得晒。佢口中話緊張，但係現實其實好Chill嘅，反而令我緊張，因為佢反應比我快，所以係佢教返我做戲。」
【季前賽主要演員角色】
- 姜 濤 飾演 高家孝
- 陳卓賢 飾演 卓立鋒
- 呂爵安 飾演 關浩德
- 邱士縉 飾演 張智良
- 張繼聰 飾演 陳尚波
- 梁 業 飾演 朱昆潤
- 郭嘉駿 飾演 楊舜光
- 葛綽瑤 飾演 何瑪莉
- 吳啟洋 飾演 張仕南
- 葉振弘 飾演 賴俊毅
圖及來源：《季前賽》
港生活人氣娛樂新聞
全新功能《U GO》強勢登場🎉！
立即探索🔍本地熱門活動📍好去處🔔食買玩情報
【樂迷注意🎧】送您音樂串流App 3個月禮品卡！
