大阪黑門市場必吃推介8選
黑門市場 在大阪的地位如東京築地，無人不識，幾乎每個遊客都到此一食。150 多間店舖中，8 成為食肆，另有藥粧、生果舖、乾貨店等。
市場必食係海鮮，最出名的「黑門三平」，規模最大，海鮮選擇眾多，長腳蟹、大蝦、各款魚生等極之新鮮，海膽、生蠔更是即叫即開；鍾情吞拿魚人士，一定要去「まぐろや黒銀」，主打吞拿魚刺身，每份價錢由 206 至 420 港元不等。入口即融、油脂芳香；另有各款魚生飯，價錢約 70 港元極之抵食。
#01 海鮮馳名 － 「黑門三平」
#02 吞拿魚刺身 － 「まぐろや黒銀」
另外，不可錯過的仲有河豚專門店「みな美」及 「高橋豆腐店」，前者主打河豚刺身及 shabu-shabu，後者則是 92 年老店，即磨純豆漿味道極濃且香醇，7 港元就有 1 杯，好抵飲！
#03 河豚專門店 － 「みな美」
#04 即磨純豆漿 － 「高橋豆腐店」
#05 頂級松阪牛 － 肉星
主打食牛的「肉星」，是市場少有賣頂級松阪牛之店舖。肉星用 A4、A5 的高級松阪和牛，以鐵板或網燒牛肉，再簡單撒少許鹽或胡椒即可品嚐。松阪和牛雪花脂肪分布平均、肉質又夠多汁，更入口即融！
#06 章魚燒脆餅 － たこ焼道楽わなか
另一間食店「たこ焼道楽わなか」，必試章魚燒脆餅，香脆蝦餅夾住章魚燒，脆卜卜又夠熱辣辣。
#07 刺身鰻魚飯 － 魚一
「魚一」主打海鮮，各類刺身、海鮮丼、燒物同鰻魚飯，樣樣都抵食夾大件。
#08 爆彈牛雜 － 三田さんち
另類小店「三田さんち」，有黑門市場新名物爆彈牛雜，睇唔清用了幾多款牛內臟，只食得出有牛肺。口感彈牙又夠嫩，完全冇腥味。配埋香蔥同七味粉更惹味。
黑門市場
地址：日本 大阪市中央區日本橋 2 丁目 4 番 1 號
電話：+81 (0)6 6631 0007
營業時間：9:30am - 6pm
交通：地下鐵日本橋站步行 2 分鐘
文：company_man 相：Jay
港生活人氣本地熱話
↓【免費🎁】零食世界2026電子門票🍭 ↓
↓ 同一門票可入埋「香港書展」及「香港運動消閒博覽」↓
【新手爸媽必睇✨】實測 N 款人氣 BB 用品！話您知邊款先係高CP值
U GO 本週好去處
