【酒廊王子】李龍基疑背妻偷食年輕「長髮女」 後生情史豐富同前妻有3個小朋友
68歲藝人李龍基自從同細28歲的內地太太結婚，一直很恩愛，不單為太太搬到大陸居住，又買樓落對方名想太太有安全感。近期武漢肺炎疫情嚴峻，李龍基同太太惟有暫時分開住，留太太獨自在深圳生活。不過近日比媒體影到李龍基疑背妻「偷食」，帶一名年輕「長髮女」出席好友壽宴，其後「長髮女」更親熱地與他蹺手在旺角鬧市行街。
（東星娛樂）
對此李龍基即時澄清同「長髮女」是相識10幾年的好朋友，對方剛剛從美國來港，所以帶她去行街及食飯。李龍基又話對方是鬼妹仔性格，行為比較外向，更聲稱自己行得正企得正，如果「有嘢」也不會四處去，純粹是招呼朋友。而李龍基太太聽到新聞亦有少少不高興，希望佢小心啲唔好被人影到相。
（東星娛樂）
李龍基後生有「酒廊王子」之稱，識唱歌又幾靚仔，自然有唔少女性接近，喺呢位內地太太之前，他亦有過一段婚姻。李龍基後生係做工程師，70年代結過一次婚，同前妻育有三個孩子。但當時李龍基無心穩定下來，想向唱歌方面發展，於是成日到酒廊唱歌，的確搵到唔少錢，好多女人入埋身。李龍基又自認以前花心、多情，做過對唔住前妻嘅事，不過一切恩怨都成過去，而家同三個仔女都有定期見面。
李龍基古裝look好經典（東星娛樂）
李龍基而家同太太分開住，佢自己住係香港。（網上圖片）
不過自從識咗現任太太，李龍基就收心養性，對太太好好。二人在泳池認識，覺得有緣於是交換電話，後來拍了四、五年拖，先決定結婚。李龍基現在於福田區擁有多個物業收租，又將財政大權交給太太處理，一心做個「愛妻號」。
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
