2009年香港小姐冠軍劉倩婷，於2011年同大佢16年嘅堪輿學家李丞責因為合作拍攝無綫玄學節目《香港玄案》撻着，為免「夜長夢多」，李丞責翌年就同劉倩婷求婚，火速拉埋天窗，快過打針！
（東星娛樂）
不過李丞責喺同劉倩婷一齊之前都有過一段婚姻。李丞責於2007年迎娶圈外人譚佩麗，兩人相戀13年後結婚，最終喺2010年分居。李丞責表示同前妻係和平分開，同前妻對分當時過億身家。由於佢一直冇同外界提起，所以一度被誤會離婚係同與當時傳緊緋聞嘅劉倩婷有關。
（東星娛樂）
李丞責表示自己結婚前已批算自己會經歷婚姻離異，最終都係逃唔過命運。李丞責表示離婚決定係為雙方着想，大家舒服啲，做朋友更合適。
坐私人飛機！（李丞責IG）
李丞責曾話職業病關係，曾幫劉倩婷算過，知道女方命格好旺夫，尤其係30歲嘅時候，但當時怕女友多人爭就冇發表「娶唔娶得過」嘅言論。
（李丞責IG）
（劉倩婷IG）
李丞責稱早年就已運用各種玄學術數方法投資，屢有斬獲，曾買中3T，得到巨額獎金。早年佢更開始收藏天珠、唐卡及各種古玩，投資物業仲遍布亞洲及英國，單係喺中國各大城市，就擁有六十幾個物業，保守估計，身家超過八億港元。
得閒就坐吓遊艇出海，享受生活！（劉倩婷IG）
劉倩婷亦自認旺夫，李丞責婚後經常返內地出席唔同講座，十年內出席四、五百個大陸樓盤講座，當中有超過十分一，出席冇現金報酬，但就送一個單位、一個舖位，或以低價出售畀李丞責。大陸樓價後來一直上升，李丞責於海南島、東莞、深圳、浙江、上海、北京等地，都有物業。劉倩婷婚後即以照顧家庭為由淡出娛樂圈，2016年仲生埋囡囡，疊埋心水專心做闊太！富足但他們都不忘助人，李丞責和劉倩婷曾經以女兒的名義捐錢到慈善機構，希望可以自小教育女兒有助人樂己的心。
有女萬事足！（劉倩婷IG）
劉倩婷不時都會同其他圈中好友相聚。（劉倩婷IG）
撰文：黃蘊姿
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
