$228 麻辣火鍋放題 任食烤魚 + 雞煲 + 刺身

text│Sakura

嗜辣的朋友呢個放題就最啱嘞！這間麻辣火鍋店因為疫情，轉型做任食放題，結果一推出就火速爆紅，皆因實在太抵！每人只需 $228，即可任食萬州烤魚、麻辣雞煲、刺身，仲有 100 款火鍋配料任你點，連貴價菜都有，平日單點 $88 的毛肚、$248 的安格斯肥牛等都在任食之列，加埋烤魚和雞煲，就算是大胃王，食一輪都飽 7 成！

放題第一頭炮是萬州烤魚，4 斤重的新鮮鯇魚會醃完再炸，皮脆肉滑，啖啖肉。老闆曾到四川跟當地師傅學熬紅湯，湯底以花椒、八角、香葉、紅油等 12 種食材熬製湯膽，再加入秘製炒醬，做出四川風味，魚肉索盡晒湯汁！

食完魚，再嚟個雞煲慢慢歎！雞件不會奀吱吱，腍滑的三黃雞以10 款香料汁煮，雞醬質感濃稠，每件滑雞沾滿香惹醬汁，愈吃愈辣。別忘記，仲有火鍋等緊你，可揀花彫醉雞鍋、五指毛桃雞鍋、招牌牛油紅湯鍋等 8 款湯底，加到烤魚或雞煲裏滾起打邊爐，魚味雞味的精華盡在湯底之中。

傳統四川麻辣火鍋以內臟居多，店內亦有不少選擇，如黃喉、鵝腸、毛肚、豬肺等，索盡辣汁，是必食之選。當然少不了港人至愛的美國安格斯肥牛，還有手打丸類、即炸魚皮、海鮮、刺身等，款式繁多。真心！這放題絕對會令你捧住個肚歸家，盡量空肚來挑機啦！

+9

+8

點擊圖片放大

【info】
蚊蚊豬老火鍋
地址：太子汝州街 11 號地下
電話：2254 5096
營業時間：5:30pm - 10pm