電影《毒舌大狀》獲得亮眼的票房成績，一眾演員都非常勤力去不同戲院謝票，答謝觀眾。電影除了「子華神」黃子華的加持外，觀眾入場發現有不少熟悉又陌生的面孔，麥子雲是其中一位。麥子雲這個名字未必即時記得起，不過睇到佢個樣，幾乎細個有睇電視劇成長嘅都一定認得佢。
今次在《毒舌大狀》中，麥子雲飾演保安員上庭作假證供陷害王丹妮，雖然不是好人，不過比以往的大賊壞人形象已經「善良」得多，見他跟以往劇集形象差不多，一樣消瘦兩頰凹陷，原來這亦是導演吳煒倫找他演出的原因。吳煒倫在訪問中透露找麥子雲全是因為《大時代》，當時他有種惡漢柔情的一面，令他印象深刻，今次找他演出，很快就成事，而且對方「寶刀未老」，拍攝表現專業的一面。
其實，麥子雲對上一次演出的劇集已經是2001年的《尋秦記》，而電影更是1990年的《午夜天使》。麥子雲去年曾接受新城電台DJ歐信希的節目《傾心相聚》訪問，大談他過往由舞蹈員、武師到演員的心路歷程。麥子雲先後在佳視、麗的、無綫及港台服務過，他笑稱小學時玩話劇，連一句對白都講不到，自覺絕對不是演戲的好材料，不過16歲學柔道時臨時獲安排頂替師兄做啞劇，沒有對白只有動作同打，表現理想得多。
麥子雲曾經跟黎小田的妹妹黎海寧學跳舞，後來1974年報考香港邵氏公司與無綫電視合辦的「演員訓練中心」第四期訓練班。其中同學有顧冠忠、潘嘉德、米雪以及黃元申。畢業後，由於他認識舞蹈又有柔道底子，所以轉做龍虎武師，「撈武師嘅時候，我替女主角，鼎爺李家鼎就替男主角，因為我身形較瘦，鼎爺就高大，有時上把要記二、三十招，以前興長鏡頭，錯咗就由頭嚟過好大件事。」
麥子雲後來獲無綫正式簽約成為藝員，第一部參演的是《楚留香》，由於他舞蹈出色，入加舞蹈訓練班上一堂舞之後，就直接獲安排在《歡樂今宵》跳五日，「跳五日先得600蚊一個月，但我撈武師百幾蚊一日喎，所以我冇簽，後來邵氏有套《蛇王子》，佢哋知我有跳舞底子，但演員比做武師錢少，搵埋都唔夠養我部車。我真係想做戲，不過講嘢就因為氣弱入唔到咪，變相我講對白要好大聲講，男主角談情說愛做唔到，所以演戲真係為興趣，我外面做印刷、設計、開法國餐等等。」他表示突然有日對演戲失去興趣，慢慢開始退下來，「返去開工開始好悶，我哋嗰輩走下一個、走下一個，冇自己友冇話題，再加上做嚟做去都係嗰啲，A角色B表情，冇辦法啦，大企業揀角色都係執藥咁執。」
麥子雲經常獲安排演壞人，他笑言：「我有做過好人，我有演過CID呀！其實我忠奸都得呀，不過佢哋唔畀我做忠之嘛！（有「翻版劉德華」之稱？）有人講過，我睇住佢入行，當年《神鵰俠侶》佢演男主角楊過，我做大武，佢真係好勤力，最唔夠瞓但最好精力嘅一個人。」他表示2002年正式離開無綫之後，偶爾都有接內地電影，承接機會上內地發展，將武術、跳舞、威也、火藥等帶到內地舞台，主力做幕後製作的工作。疫情的關係，麥子雲大多數時間留在香港，他趁機會多多陪伴家人，他跟太太育有四女，習慣「被女圍」的他不時在Facebook大方分享他的家庭照。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
