綜藝節目《中年好聲音》吸引到2,000名參賽者報名，大會最終選出100名進行決賽，據知在過去的周六（11月5日）開始錄影，暫時未知賽制和播出日期。自從無綫公布消息之後，引起外界強烈反應。無綫「食住個勢」將海選面試的片段剪接成兩集節目《中年好聲音 向夢想再出發》，一連兩星期在翡翠台播出。周六亦已播出第一集「試音大檢閱」，當中見到不少熟悉的面孔。
芸芸的參賽者中，見到年屆70歲的吳大強，他是入圍參賽者中年紀最大的一人，他正是藝人吳偉豪的爸爸。吳爸爸其實不是第一次亮相TVB，早前他主動報名參加《思家大戰》，跟四位公子一齊參賽，一門五傑位位靚仔有型，而且事業有成，有消防員、飛機師等，成功掀起話題。
沒想到吳爸爸對唱歌都有一份熱誠，他面試時清唱汪明荃的《萬水千山總是情》，完全沒有怯場，更一邊唱一邊輕隨拍子擺動身體，非常投入。吳爸爸表示：「我諗今次參賽者年紀來講，最大係我。以我咁嘅年紀，唔怕困難，應該去面對，所以決定參加。雖然我70歲，不過我唔當自己70歲，當自己17歲咁，我仲有遠景，繼續做到最好，直至評委話『唔得』，咁先完。」
參賽者中有不少話題人物，亦有很多歌手、藝人的家屬朋友參與。《聲夢傳奇》三料冠軍炎明熹（Gigi）星期六作網上直播跟粉絲傾偈，都不忘留意《聲夢傳奇2》的踢館賽，期間就有「Gi炎粉」留言問點解Gigi的姑丈不去參加《中年好聲音》，她搞笑回應說：「我幫佢推咗喇！一係你自己回應呢？而家我係佢經理人，我哋都係唔答喇！」認真搞笑！
姑丈一直照顧Gigi成長，陪伴她去學唱歌，參加比賽，不時在直播都會唱兩句，為粉絲們帶來驚喜。雖然姑丈沒有參加，但他其實好緊張，當周六晚節目《中年好聲音 向夢想再出發》播出前，趕快催Gigi關上直播，更爆笑說：「快啲講拜拜，我要睇《中年好聲音》！」相信觀眾都好期待姑丈參賽，不如他考慮一下踢館？
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
