有「屯門娜娜」之稱的董幸兒早前參加無綫綜藝節目《中年好聲音》「紅上加紅」，大受外界觸目嘅娜娜，雖然搵嚟忠粉「Happy伯」同一大班支持者捧場，不過最終都係「發台瘟」，評判1盞燈都得唔到，第一集登場就被淘汰。
娜娜喺《中年好聲音》獻唱《風的季節》時掛住擺pose搞到數度忘詞，張佳添聽到擰晒頭，肥媽更狠批：「你諗嘅嘢多咗，你點會記得歌詞？淨係掛住擺pose!」得0盞燈被即時淘汰。「事業」失意嘅佢愛情得意，娜娜喺從來冇公開過男朋友情況下突然被爆結婚，唔少網民都感到好震驚呀！
娜娜接受本網訪問，原來佢同老公已經相識多年，「7號啱啱結咗婚，我同老公係十幾年嘅朋友，呢兩年先正式喺埋一齊拍拖，佢一直以來都好支持我，因為識咗好多年，知我係咩人鍾意啲咩興趣，所以好支持我。（婚禮點搞？）冇大搞，只係簡單同屋企人、朋友食餐飯咁樣。（Happy伯有冇好傷心？）佢都有嚟，我有邀請佢，佢點會傷心呀？佢不嬲好支持我，我唔係當佢Fans，我哋關係就好似親戚咁樣，佢好戥我開心。」
相中見到娜娜老公都好靚仔，同教主Anson Lo（盧瀚霆）有幾分相似，而佢嘅髮色都同娜娜一樣咁誇張，非常合襯。問娜娜會唔會生小朋友，佢就話隨時ready，「會生呀！生幾多個我都唔知，隨緣啦，我心理上已經準備好做媽媽。之後我都會繼續街頭唱歌，可能去廟街，或者去『爆音組』YouTube度玩吓。」佢表示早前趁開關飛日本，當作預支蜜月，問到婚後會否再去度蜜月，佢話：「未知呀！睇情況啦！」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
