愛回家丨張龍Rebecca感情線一周年連環咀 黃耀煌：幕後搞笑講番畀楊證樺知
《愛回家之開心速遞》炮製越來越多熒幕情侶，像張龍（黃耀煌 飾）跟Rebecca（沈可欣 飾）這一對，看似風馬牛不相及，他們一年來的感情發展，觀眾都非常受落，特別是張龍的暖男性格，冧暈不少網民。昨晚一集「藉著失憶說愛你」適逢感情線一周年，兩人的熒幕初吻竟然一晚連環三次，大放震撼彈。
情節描述張龍意外被撞受傷入院，為了𠱁「韓劇迷」的女友Rebecca不惜扮失憶，並希望女方為他重組記憶；搞笑的是Rebecca不甘兩人的初吻過程太狼狽，惟有照住韓劇劇情去加插唯美的畫面到回憶中。
今次黃耀煌一集咀嘴沈可欣三次，更是跟沈可欣的老公楊證樺同一集而不同場，認真鬼馬。拍感情戲會緊張的耀煌今次有明顯進步，他接受本網電話訪問時表示：「可以話係我第一次，曾經好多年前喺內地拍網大（網路大電影），有蜻蜓點水式（接吻），有冇出街都唔知，今次係我電視台播出嘅第一次接吻戲。未拍之前我好緊張，帶定漱口水、香口膠...去到現場，拍攝進度好緊湊，廠景又趕，外景又要配合日落景色，所以想快啲完成嗰場戲；拍攝過程好順利呀，順利到都唔記得緊張。」他表示沈可欣非常專業，雙方事前做足溝通，加上燈光師、攝影師的幫忙，令畫面十分浪漫。
問到同集出現的「Dr. Man」楊證樺有沒有監場睇住老婆沈可欣？耀煌笑言：「阿Man冇監場，成班工作人員開玩笑話我死梗，佢哋話要講番畀阿Man知。第二日拍醫院戲，工作人員同阿Man講，耀煌錫咗你老婆，點知阿Man話唔緊要，最緊要靚同認真，佢對我哋100%信任，真係好好！」
此外，不少網民大讚耀煌的演技比以往進步，他大感安慰。「其實嗰陣收工搭緊車返屋企，睇唔到呢一集，屋企人同朋友都cap晒圖、拍晒片，佢哋睇得好激動，見到啲相同佢哋嘅對話，會心微笑咗一下。呢一兩年多謝《愛回家》監製林建祥同埋珍姐曾勵珍，不斷安排有我份嘅劇情出街，屋企人睇到有我出現嘅情節，睇得好開心好激動。（網民讚進步）係！見到大家讚我面部表情多咗，冇以前咁僵硬，好多謝大家留言，令我知自己乜嘢地方做得好或者咩做得唔好，慢慢改善。」他在網上都收到不少兩人接吻的cap圖，感激觀眾鼓勵，同時多謝網民對於張龍、Rebecca的感情線發展十分着緊。
港生活人氣娛樂新聞
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
