余迪偉不滿艾粒歧視性取向欺凌 IG怒斥：你哋都玩咗咁多年啦

今日凌晨兩點，余迪偉在IG分享昨晚艾粒場內的一張相，相中人正是他，旁邊寫住「迪偉同你浸溫泉」，余迪偉留言：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！ @jimyan @donaldtong」。

+3

+2

點擊圖片放大

余迪偉突然點名向艾粒二人爆Seed，令不少網友都大感驚訝，事關外間一向認為他們幾位資深DJ私底下都是相當要好的朋友。

余迪偉出Post後，艾粒的少爺占和當奴暫時未有任何回應，而網友的反應都兩極，「大家都同一間公司咁多年，咁做真係好唔應該！dikwai, 之前有冇向佢地（哋）當面Say NO? Hopefully佢哋唔係有心專登」、「Sorry to hear that. 講真佢地（哋）每個禮拜都玩一玩，我作為聽眾真係以為你係唔介意嘅」、「艾粒以前喺口水年代已經成日攞嚟玩...聽得幾次已經唔好笑之餘，亦已經開始覺得係人生攻擊、歧視、同埋職場性騷擾啦」、「撐你呀，先唔講你同佢哋嘅友誼深厚，但性取向都唔應該直線或曲線咁取笑，尊重人係文明社會嘅原則，咁樣整我都唔知笑點起（喺）邊，佢哋真係好無聊」等等。

不過亦有不少網友認為這次余迪偉爆Seed，只是曲線為艾粒個演出做宣傳，「點睇都係迪奶（迪偉花名）曲線幫艾粒宣傳la（啦）」、「擺明曲到咁都問係咪真嬲」、「等3點啦，平時5點大家都會見，究竟真嬲定假嬲就聽電台先知」等等，實在令人難以了解。