由當奴（唐劍康）和少爺占（甄子康）組成的I Love You Boyz（艾粒）去年舉辦 《歌頌生命沿途有你艾與粒激情雙星璀璨二十 ICHIBAN香港之夜》反應大好，演出時已經宣布加開Part 2，《Part2 ! 王鳳女士 XYZ 銀河道士大匯演》昨晚舉行首場演出，獲不少圈中好友捧場，兩人在舞台上大放笑彈，不過演出的內容似乎惹怒好友兼同事余迪偉。
今日凌晨兩點，余迪偉在IG分享昨晚艾粒場內的一張相，相中人正是他，旁邊寫住「迪偉同你浸溫泉」，余迪偉留言：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！ @jimyan @donaldtong」。
余迪偉突然點名向艾粒二人爆Seed，令不少網友都大感驚訝，事關外間一向認為他們幾位資深DJ私底下都是相當要好的朋友。
余迪偉出Post後，艾粒的少爺占和當奴暫時未有任何回應，而網友的反應都兩極，「大家都同一間公司咁多年，咁做真係好唔應該！dikwai, 之前有冇向佢地（哋）當面Say NO? Hopefully佢哋唔係有心專登」、「Sorry to hear that. 講真佢地（哋）每個禮拜都玩一玩，我作為聽眾真係以為你係唔介意嘅」、「艾粒以前喺口水年代已經成日攞嚟玩...聽得幾次已經唔好笑之餘，亦已經開始覺得係人生攻擊、歧視、同埋職場性騷擾啦」、「撐你呀，先唔講你同佢哋嘅友誼深厚，但性取向都唔應該直線或曲線咁取笑，尊重人係文明社會嘅原則，咁樣整我都唔知笑點起（喺）邊，佢哋真係好無聊」等等。
不過亦有不少網友認為這次余迪偉爆Seed，只是曲線為艾粒個演出做宣傳，「點睇都係迪奶（迪偉花名）曲線幫艾粒宣傳la（啦）」、「擺明曲到咁都問係咪真嬲」、「等3點啦，平時5點大家都會見，究竟真嬲定假嬲就聽電台先知」等等，實在令人難以了解。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
