昨日是TVB賽馬日，不少藝員都表示希望拎到曾志偉的賽馬貼士，可以發個小財開心一下，事關志偉曾經以2,000蚊贏1,600萬，正宗的「刀仔鋸大樹」，厲害厲害！樊亦敏昨日IG分享短片，片中她興奮表示《愛回家之開心速遞》團隊有眼光，貼中第八場賽事的賽果，更揚言贏得1,860萬，非常威水！
樊亦敏在片中興奮報喜，「我哋《愛回家》好犀利，第八場貼中一號獨贏同位置！我哋贏咗1,860萬，好犀利，畀啲聲嚟聽吓！」身旁的劉丹已經瘋狂傻笑，而滕麗名、呂慧儀竟然冷笑，陳浚霆在旁邊起哄：「請食飯，丹爺請食飯！」贏過千萬的反應都如此冷淡？到底是真是假？心水清的網友留言說：「八場1號 5.7倍。點贏1,680萬？買300萬獨贏？定過關？恭喜晒！」
陳浚霆接受本網電話訪問，對於贏1,860萬的消息，他笑笑口回應：「等我澄清番先！其實呢我本金係千幾蚊，三太（樊亦敏）佢講成千幾萬，我都好驚訝，但睇清楚只係千幾蚊，原本佢係話：『你贏千幾蚊都幾好吖！』後來我再睇番記錄，因為我哋兩個都唔係好識賭馬，千幾蚊原來只係本金，今日只係贏咗70幾蚊，不過無論點佢都會話叫我請食飯！成件事係一個美麗嘅誤會，佢（樊亦敏）擺明係偷呃拐騙啦，話我贏千幾萬，明明係千幾蚊。」
而昨日《愛回家》不少演員都有出席「TVB賽馬日」盛事，當中包括劉丹、呂慧儀、滕麗名、陳浚霆、樊亦敏外，還有「朱凌凌」吳偉豪，同場還有吳偉豪的爸爸吳大強擔任表演嘉賓，在舞台上獻唱《Pretty Woman》淡定又好聽，吸引不少藝人搵吳大強集郵留念，陳煒、呂慧儀等大讚對方唱功厲害。不少網民見到他們的合照，都建議吳大強客串演出《愛回家》，又笑稱他可以加入「大四喜」，相信會帶來相當喜感。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
