《愛回家之開心速遞》昨晚一集「青春的黑洞」講述Philip仔（梁禹勤 飾）踏入青春期，對爸爸送水輝（許家傑 飾）及媽媽大小姐（林淑敏 飾）不揪不睬，只留在房間中玩遊戲機和溫習。父母擔心不已，拜訪技安（黃厚仁 飾）屋企時，發現情況一樣；在舅父KC（歐瑞偉 飾）的提醒之下，方才驚悉他們都曾經經歷一模一樣的時期，兩人才放心慢慢接受這個事實，望Philip仔反叛期盡快過去。
該集播完之後，梁禹勤的媽媽在IG分享他跟林淑敏、許家傑的合照，並留言：「多謝爸爸媽媽６年來的照顧和關懷，我入黑洞了，拜拜 #愛回家之開心速遞 #大小姐 #宋總監 #宋飛立 #宋氏一家 #青春的黑洞」。似乎是道別文，梁媽媽接受傳媒訪問時坦言囝囝離開劇組，準備升中，專注學業。她解釋，兒子慢慢長大，性格變得內向低調，似乎不太適合當演員，如果劇組有需要也不介意偶然客串。
監製林建祥接受本網電話訪問，他表示：「我唔知呢個報道，不過唔出奇，畢竟開始大個仔。童星始終有過度期，加上要專注學業啦！（點交代？）呢個都容易解決，可能劇情交代，以往佢嘅戲份唔係日日有。（唔捨得？）當然啦，由佢細細粒開始睇住佢大，雖然佢表面係黑面神，不過私下好溫和同聽話。」
許家傑在IG都有留言：「一家三口，永遠愛護你，就算你由BB仔到而家已經型仔過我，我都當你係我嘅Philip BB #loveyouasalways #愛回家之開心速遞 #招牌冷面笑匠」。
其實Philip離開劇組對《愛回家》多條劇情線都有影響，除了龍家少了一粒孫之外，包括「道德重整會小學」跟譚道德校長的交流、親生媽媽錢栖（蔣家旻 飾）與技蘭（黃厚仁 分飾）的感情線等等，如何安排仍是未知之數。
不少網民、觀眾都大表不捨，同時都明白童星必經的階段，稱︰「真係大個仔喇，都應該有自己嘅新一頁。希望得閑（閒）你可以客串下啦，亦祝你有個開心嘅青春期呀」、「我哋會好掛住Philip」、「Philip仔係咪真係唔再拍㗎？唔好啦我好鍾意睇你呀」、「大家看着你長大」等等。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
