有「第一代旅遊達人」之稱的朱維德（朱翁）過往主持過不少資訊性節目，他字正腔圓、中氣十足的語調，令觀眾留下深刻印象。今日突然網上瘋傳朱翁離世的消息，維基百科更寫他在仁濟醫院離世。朱翁的電話未能接通，但較早前有傳媒聯絡到朱太，親自澄清死訊是誤傳，朱翁半年前證實患上認知障礙，所以安排他入住安老院休養。
朱翁由麗的映聲入行，1967年加入無綫，服務TVB合共53年，先後擔任多個家居悠閒、有獎遊戲、新聞、文教、體育及旅遊節目主持，包括《歡樂家庭》、《皆大歡喜》、《歡樂今宵》、《大江南北》、《體育世界》、《婦女新姿》、《都市閒情》及《文化廣場》等，經驗豐富。2019年他主持的節目《文化廣場》突然被Cut，令朱翁大為不滿，翌年他約滿後冇人跟進合約，意興闌珊的他決定離巢。2020年離開TVB後，他沒有放棄分享他的生活，特別開設IG帳號跟網友互動，內容有不少香港的歷史和演變，不過8月之後，他就沒有再更新內容。
朱翁除了綜藝節目，2005年開始接觸劇集，其中在《原來愛上賊》入面的角色都用上他的名字「朱翁」，而近來最新的角色相信是《宮心計2深宮計》裡面的太常寺卿，他曾在訪問中表示：「我喺無綫拍劇都係茄喱啡，我唔識做戲，之前演過爵士、法官、董事長全部都係板起塊面，咁我就照板起個衰樣，就啱我演，拍戲係扮人，但拍旅遊節目係真嘅我，真地方、真風景、真享受，完全不一樣。」不過面對身邊老友逐一離世，他感慨說：「走吓死一個，走吓又走一個，唉...同事好多都走咗，最難忘係鄺佐輝同盧念國，我哋喺婦女節目合作好多年，當時一星期見兩三次，忽然就唔見咗，真係好估唔到。」
2014年TVB的《萬千星輝頒獎典禮》上，朱翁獲頒發專業演員大獎，對演藝圈的貢獻及付出備受肯定及嘉許。至於會否退下來好好享受晚年？朱翁笑言：「旅遊同美食一樣都是我所喜愛，如此吸引，試問又怎忍得住不碰呢？」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
