周國賢上年宣布與韓籍太太離婚 疑似嫩口新歡彈弓手出甫認愛

文: 余美鳳
2023.03.27

42歲周國賢上年9月喺個唱後台宣布,同韓籍太太李美英結束18年半婚姻,令人婉惜。近年周國賢喺自己嘅社交平台都甚少講到感情以至家庭生活,幾乎清一色係工作post,不過今日,一位同佢傳出緋聞多時嘅ViuTV藝人就出Post疑似認愛,雖然佢已經秒速del post,但就已經被網民截圖並熱烈討論。

周國賢宣布與太太離婚後隨即被網民翻出過往同女助手以及藝人麥可怡兩宗緋聞,事後周國賢否認有關傳聞。不過近日周國賢到英國準備開騷,麥可怡又貼出到英國外遊相片,噚晚更突然貼出周國賢嘅表演相,引用對方歌曲《黑眼圈》歌詞「戀愛將世界化成很細」疑似認愛。不過,冇耐之後麥可怡又「彈弓手」del post,唔知係咪錯手擺咗喺公開AC。

網民都化身私家偵探抽絲剥繭,翻出麥可怡曾經post出同周國賢家中愛貓嘅合照,二人關係匪淺,唔少人自稱本身都係周國賢fans,對女方感到不滿,留言:「(麥可怡)仲要ig冇follow周國賢,勁假!」、「佢想陰啲陰啲爆自己同周國賢一齊緊啫,女人機心嘢!」

周國賢係圈中罕有嘅早婚男士,在日本留學之時遇上太太一見鍾情,22歲就決定結婚,太太同年誕下大女兒,先後育有3名兒女,家庭幸福美滿。由於太太不熟悉香港嘅生活環境,加上周國賢係藝人怕為太太帶來無形嘅壓力,早年曾一度諗過放棄歌唱事業,轉為打理家族海味生意,但太太仍喺背後默默支持老公繼續做幕前追夢,同時努力學習廣東話融入。

直至2013年,曾有傳聞指周國賢搭上公司助手,太太隨即帶同女兒避走加拿大,有指周國賢因而患上抑鬱症,後來追至加拿大挽回婚姻,對外否認婚變。2019年情人節被拍攝到在尖沙咀海旁自彈自唱,向太太表達愛意,陪伴佢走出情緒病。周國賢接受電台節目訪問時曾坦言過早結婚,與大女緣份太早到,不過仍任性地照「劇本」行。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓