參加TVB節目《聲夢傳奇》入行、曾與林敏驄合唱《下流上車族》主題曲的文凱婷（Aeren）轉眼已出道兩年多。Aeren初期常常被傳與同屆參賽者孫漢霖（火雞）是情侶，兩人一致否認，不過就常以「情侶檔」拍片及唱歌。不過最近本網收到讀者報料，指Aeren與比自己年長17年的唱歌導師湛耀東（Waye Cham）秘密拍拖，更驚爆Aeren是第三者！
有知情人士報料指Aeren與湛耀東一齊後，成功令男方與一齊多年嘅女友分手，「一直扶持陪伴男方多年嘅女友，由上年6月開始已經被蒙在鼓裡，過往都有時畀男方呼呼喝喝當呀四，朋友同其他同學內心都已經有啲睇唔過眼。」
而近日Aeren與湛耀東秘密外遊，前後腳出發到澳洲。知情人士更指男方媽咪post了全家合照，成了兩人「斷正」的證據，「Caption寫『一家人齊齊整整』，而當中Aeren用（被）emoji遮住（但都可以認得到），及後男方媽咪好快del咗post，更加此地無銀……」
知情人士續指回想起：「上年有一次Aeren完咗聚會後講過話去元朗搵佢男朋友，當時男方都未同佢女朋友分手，但大家嗰吓未即刻諗佢男朋友係男方，直到近日睇到幅相，大家都覺得一切水落石出！」又指：「可憐佢前度女朋友嘔心瀝血成日幫佢打點所有嘢，換嚟佢同個細廿年嘅學生偷食！搞到佢好似抑鬱，越諗越嘔心！」
Aeren在參加《聲夢傳奇》時已經爭議不斷，曾被網民批評「影衰晒成個《聲夢傳奇》」。而在比賽早期Aeren其實已多次差點被淘汰，唱功備受質疑。監製張佳添曾指自己完全不明白她在唱甚麼，直指Aeren選錯歌。當時一眾網友不滿賽果，更洗版留言鬧導師亂foul人。
對於今次事件，本網致電Aeren求證，她回應說：「我現在是拍緊拖, 佢係我以前唱歌老師。我同我男朋友一齊嘅時候，大家都係單身狀態。由於男朋友是圈外人, 所以其他事情我都不作評論。多謝大家關心！」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
