《中年好聲音》冠軍人馬周吉佩（吉吉）近日可謂忙過不停，除了應付本身的工作之外，也有接Job出騷。日前應保良局邀請為周年晚宴獻唱，同場還有季軍的羅啟豪、八強止步的林鉫徫，一邊唱歌一邊在舞台上狂收花，大受歡迎。而他昨日再次現身將軍澳電視城，為5月7日舉行的《中年好聲音》之《紅白大戰》節目綵排。
無綫承接《中年好聲音》氣勢，特別舉辦綜藝節目《紅白大戰》，跟ViuTV舉行的《Chill Club推介榜 年度推介22/23》對撼。《紅白大戰》將由《中年好聲音》頭廿六強的參賽者中，選出九男、九女組成男團和女團進行對戰，每環節都有不同主題，各隊派出合適風格的隊員鬥歌，再由五位評審選出贏家。
冠軍人馬周吉佩當然不能夠缺陣，他表示：「《紅白大戰》有啲緊張，因為練習時間少，要返工，又有機會唱快歌要跳舞，而且有幾隻歌要合作，希望唔好拖累到大家啦！」提到成為《中年好聲音》冠軍備受爭議，甚少有網友力斥「造馬」，無綫為平息民憤，特別公開比賽分數，以正視聽，吉吉：「可能好多聲音，我又鍾意睇唔同聲音嘅留言，希望可以吸收多啲，睇得多又會有唔同諗法，個腦不斷轉轉轉，搞到瞓唔到覺。（公開分數證公平？）我冇理呀！只係睇到細分，反而最開心係伍仲衡畀咗十九分我！多謝伍Sir，佢畀咗我好多意見，喺佢眼中，我睇到自己進步咗，呢個滿足感更加大。」
雖然比賽只有一個冠軍，亦有不少流言蜚語，仍然無損一班參賽者的友情，魏嘉信、顏志恒、曹敏寶、支嚳儀及梁浩銓拍攝網絡搞笑影片，拍下周吉佩奪冠後的日常。曹敏寶、支嚳儀扮瘋狂粉絲，而魏嘉信、顏志恒充當保安保護冠軍人馬「周吉冠」，場面非常搞笑；支嚳儀更向吉吉索「毛」，他笑回：「畀條鼻毛你！」可見他們感情非常要好，同時《紅白大戰》的綵排壓力似乎也十分大，要拍片放鬆一下。
另外，周吉佩昔日的舊照被網友翻出，當時單眼皮的他眼細細，加上高鼻和笑容，有網友直指他跟「蔥頭」丘梓謙「撞樣」，有其他網友留言就話相似度一般，大讚吉吉年紀越大就越靚仔，比初出道時臉腫樣順眼得多。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
