《中年好聲音》冠軍周吉佩（吉吉）原來決賽前接受楊詩敏（蝦頭）和連詩雅（Shiga）在網台節目《絲打圍爐》的訪問，大談參賽的心路歷程和太太的關係轉變。他坦言原本音樂是兩公婆之間最忌諱的話題，每次提音樂都會鬧交，「每次談論到音樂的事就係最容易爭拗嘅點，所以我永遠唔同佢提及音樂，我喺屋企唔敢唱歌，以前有Studio就喺Studio練歌，喺屋企完全唔出聲，冇喺屋企唱過歌幾年，我啲小朋友都唔知我係唱歌嘅！」
吉吉自認處理不當，太太當年陪他經歷最低潮的日子，留有陰影，但他往往為音樂盲衝直撞，先斬後奏簽唱片公司，最終影響到正職，亦影響到收入，令當時懷孕的太太非常傷心。今次參加《中年好聲音》，吉吉認為最大得著就是得到太太180度轉變，由反對到認同，這是比賽中已經賺到的事情。吉吉表示自從太太轉為支持後，評判們都大讚他在舞台上的表現有所進步，未知是否跟心情上釋放能夠更加放鬆表演有關。
吉吉表示跟太太很早就認識，拍拖兩年心態上「唔想走寶」，25歲就已經訂婚，不過結婚不久就懷孕，「雖然後生生小朋友有好處，但真係好想同太太有二人世界先有小朋友，（而家冇晒？）冇晒呀，我同我老婆分房瞓七年，好慘呀，呢方面要投訴！我太太份人生咗小朋友，母性爆發，完全忽略我，將我啲被鋪掉去隔離細房要我自己瞓，佢同啲小朋友瞓。」
吉吉表示由於兩公婆同一日生日，所以他總是追求儀式感，「我好鍾意營造氣氛，一年三百幾日都同小朋友一齊啦！我知你好錫仔女，但係咪都要留番少少時間去湊你另一半呢？因為兩公婆其實係要互相維繫，好似火車的車頭咁帶住，你做得唔好，後面一定會甩。小朋友都大啦，你理吓我啦，我哋兩公婆唔掂頭家一樣會散呀！」
他表示《中年好聲音》找回男人的尊嚴，太太終於開始著重儀式感，更建議拍拖去睇演唱會同終於可以「入房瞓」，他笑言：「可能會唔會係男人有番少少事業上起色，女人就有畀番少少尊嚴你啦！」
」，
App內睇文同睇片可隨時捕捉U Fun彩蛋，
換領現金券及禮品！
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
