《愛回家之開心速遞》阿壯（焦浩軒飾）又又又又再失戀，事關拍拖短短半年的女友Heidi（關嘉敏飾）嗌分手兼辭職，搞到「失戀王」阿壯再次消極，幸好「吉宜屋」的好兄弟Mike（曾展望飾）、林子穎（李紹堅飾）、Fanny（張盈悅飾）及Gigi（羅雪妍飾）為咗阿壯，不惜扮Heidi炮製壞形象，希望阿壯可以走出失戀陰霾。不少網友都追問到底Heidi去邊？到底會唔會回歸？
其實今次劇組安排Heidi離開，主因是由於關嘉敏有《逆天奇案2》及《非常檢控觀》兩套正劇忙於拍攝中，分身不暇惟有暫別《愛回家》，不過劇組火速安排Elaine（李芷晴飾）頂替Heidi位置做「尋寶圖」秘書，似乎Heidi回歸的機會微乎其微。
關嘉敏接受本網電話訪問，她表示：「其實我都收到好多觀眾朋友留言同訊息，粉絲們都有私訊我，大家都關心我係咪離開劇組？會唔會同壯B復合？我好開心，收到呢啲訊息代表大家記得Heidi呢個角色，而且好認同我同壯B個『CP』關係，好開心大家咁鍾意呢個角色。好感恩，加入《愛回家》大約半年時間，經歷咗好多第一次。多謝珍姐（曾勵珍）同監製信任，令我入到呢個大家庭，其實初初入去，真係好多嘢都唔識，多謝阿蟹（呂慧儀）、風少（陳浚霆）、盈盈（湯盈盈）、豹哥（單立文）等等，佢哋全部都有教導我，我覺得呢半步好多進步好快，呢個離別的確係可惜，我都好唔捨得。」
她表示得悉角色要離開之後，特別買蛋撻和小心意慰勞前輩們和所有幕後工作人員，「呢半年賺得最多係佢哋，有佢哋教導真係令我覺得自己執到寶！所以最唔捨得係佢哋！當然我都希望拍完之後可以入番《愛回家》啦，因為每晚呢半個鐘，真係令觀眾好開心同輕鬆，我做到令人開心嘅劇集，我都好開心！而且角色好入屋，因為呢個角色令我接拍到廣告，多謝編劇組，多謝大家。」
至於阿壯將會情歸何處？不少人認為他跟嘉慧（莊易羚飾）或者小巴司機（李偉霆飾）都應該有不錯的火花，特別是小巴司機的「HeHe」情緣，未知會否成真？
」，
App內睇文同睇片可隨時捕捉U Fun彩蛋，
換領現金券及禮品！
【大激賞】 贏$1,000超市現金券💰！
↓ 立即登記！免費獲多項專享福利 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
