TVB新聞主播麥詩敏（Gloria）近日暫時離開主播枱，放假去旅行，原來此行跟男友一齊重遊英國，期間男友為Gloria送上驚喜，突然下跪為她遞上玫瑰花和戒指求婚，一臉驚喜的Gloria興奮掩面狂笑，非常感動。Gloria戴上求婚戒指說我願意，更以「未婚夫視角」影靚相，未婚夫娶得美人歸都相當開心，舉起勝利手勢大方合照，恭喜恭喜！
31歲的Gloria在IG都有分享到被求婚的過程，竟然充滿火藥味？她表示：「I said YES！他說今天帶我回以前讀書的地方Bournemouth行下，行完Bournemouth Pier無啦啦食咗張英式牛肉乾（已入錶但無跌Ticket出來所以只Display了receipt）。當我嬲到發火之際，佢話附近好多靚風景可停車影相，就兜咗去某海灘看台，落車後我仲未燥完，我話：『呢度無咩睇，唔好行咁遠，廢事又被人抄牌』，佢就話：『得㗎啦』之後捉咗我越行越入，仲無啦啦叫人幫我哋影相，原來他一早安排了朋友扮路人影相，然後這畫面就出現了，謝謝剎（殺）我一個措手不及。」
一切原來都是男友悉心安排，難怪搞到Gloria由怒火中燒變成感動流涕的可愛幸福小女人，不少主播好友都紛紛留言恭賀，包括馬深沂、袁沅玉、羅鈺文、張庭瑜等等。Gloria繼續她的開心旅程，更分享自己在Bournmouth海灘的對比照，2009跟2023年的她，似乎印證著現時的她越大越靚女。
Gloria的爸爸是《警訊》經典主持麥振江，她從事新聞主播行業都全因是爸爸的功勞，原本她修讀工商管理，畢業後當上行政人員，麥振江認為不太適合女兒，他在《守下留情》訪問中曾提過：「會唔會試吓新聞報道員呢？喺屋企試過，佢讀稿唔錯，當時TVB請人就叫佢去考。」麥詩敏轉眼在TVB新聞部工作八年時間，日前都有更新社交平台分享工作花絮照片。
」，
App內睇文同睇片可隨時捕捉U Fun彩蛋，
換領現金券及禮品！
【大激賞】 贏$1,000超市現金券💰！
↓ 立即登記！免費獲多項專享福利 ↓
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
