韓星宋智孝上月跟經理人鬧翻正式斷絕合作關係，但仍然未有影響工作進度，近日智孝被網友發現低調訪港，除了為代言的護膚品牌工作，跟客戶見面和開會外，更趁機會到處觀光遊覽兼打卡。雖然智孝在IG未有分享太多行程，不過她同行的友人就大方曬相，見到智孝非常親民，踢拖走勻港九各區，未知會否有機會可以野生捕獲她呢？
在智孝同行友人的照片中所見，她先後現身疑似旺角鬧市、金鐘太古廣場、尖沙咀海港城、中環威靈頓街等不同地區，她大方沒有戴住口罩，見連日來的打扮都相當輕鬆，白色背心加牛仔褲，或者黑色透視長裙，又或者緊身露膊上衣配牛仔短褲。未知是否因香港連日來都落雨，智孝索性穿厚底拖鞋出入，輕鬆又方便。
在街上自由自在遊走，智孝心情明顯大好，在商場張開雙臂大字形行街，跟友人傾偈，又擺晒甫士讓好友拍照拍卡，最搞笑是在威靈頓街街道牌下疑似扮等車，非常可愛。親民的智孝更走到平民的藥妝店購物，跟店員言談甚歡，睇嚟今次香港之旅，智孝都玩得非常開心。
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
