陳法拉前夫，即Neway太子爺薛世恒早前宣布太太懷有身孕，今日（20/6）佢趁父親節剛過去，宣布囝囝出世。無獨有偶，之前一直被指同佢好似樣嘅「失散兄弟」袁偉豪都排住隊做爸爸，真係好有緣呀！
薛世恒分享父子合照，相中他情深咁望住囝囝，留言：「成為了父親，思想聚成焦點，我將成為這小子仰望的人，他將成為使我感到驕傲的小子。」唔知係咪父親節嘅關係，佢就未有上載太太嘅相片。而佢嘅舊愛陳法拉一早另組幸福家庭，陳法拉2019年同相戀三年多男友Emmanuel Straschnov於法國拉埋天窗，2021年誕下囡囡，早前母親節佢就sweet爆咁同囡囡砌住玩具一齊過，真正係你有你生活，我有我忙碌！
另外，薛世恒「孖生兄弟」袁偉豪（Ben）早前都宣布同太太張寶兒造人成功。昨日夫妻檔現身無綫節目巡禮，寶兒明顯見肚，Ben對太太更係呵護有加。他們表示孕期已踏入第4個月，知道BB性別，遲啲用特別儀式去公布。Ben就話仔女冇所謂，自己比較鍾意囡囡，又話而家shopping變咗睇BB產品。二人表示幫小朋友改中文名時，會問家中長輩、相士意見，英文名則希望跟他們一樣，以「B」字起首。
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
