ViuTV偶像育成節目《全民造星V》其中一位大熱，是來自北美海外的參賽者，32歲的香胤宅（Lyman Heung）。他由94強一直殺入20強，每次的演出，其一舉手一投足都非常吸晴，屬超班水準，難怪有網民大讚「啲舞技及功架完全把節目質素升呢」！
Lyman早前接受本網專訪時，他表示有空閒時間的話，都會在社交平台跟fans互動，「因為我啱啱學識點用Tg（Telegram），而且我哋『Fung莎星辰』B組有時都會開live。」
Lyman在夏威夷出世，之後隨父母返港，有香港讀幼稚園、小學和中學。由於讀國際學校的關係，Lyman笑指自己的中文水平仍有進步空間。鑑於小時候的Lyman活潑好動，父母為他安排了很多課外活動，例如學曲棍球、游水、跳舞、話劇、畫畫、少林功夫等等，Lyman說：「我對動作好有興趣，媽咪就話不如學拉丁舞，因為係媽咪想學，我就做媽咪嘅partner，當時我11歲，過咗幾個月，我就覺得有少少悶，老師介紹咗一個細我一年嘅女仔畀我，同我一齊跳舞，咁我就有番興趣，起碼同佢一個level先。」自此，成就了Lyman在美國紐約任職一位拉丁舞導師。
2020年，Lyman成為紐約百老匯音樂劇《芝加哥》全國巡迴演出成員，但疫情令演出暫停，Lyman無奈要面對停工。去年底他決定參加《全民造星V》，並坦言兩者有着不同的壓力：「百老匯嘅壓力一定係跳、唱、演，如果你能夠去到一個standard，佢哋先審核你啱啱嗰個（角色）嘅character；香港《全民造星》嘅壓力，係要講中文、睇中文、融唔融合到文化，我用拉丁舞、歌舞劇嘅經驗配唔配合到呢度文化，而家我仲試緊，好彩大家嘅反應係positive。」
提到導師韋羅莎曾大讚他已經具備了明星的條件，加上不少網民已貼他為三甲之選，Lyman感謝大家，並謙虛地說：「我不嬲冇同人比較，我係好enjoy個台，但我仲要學習，因為好多舞，我都唔識，例如街舞，仲有唱歌。」他表示未有打算自己的去向，現時最想是享受舞台的演出。Lyman在3年前與從事藝術表演的Zoe結婚，他指太太一直很支持他，「我哋都有傾過，我哋都係好尊重舞台。」
採訪：黃曉妍
攝影：陳健珊
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
