《愛回家之開心速遞》今晚將於播出第2000集，而早前預告所見，今晚主題名為「大結局」，令不少網友都誤以為今晚是《愛回家》的大結局，但其實2001集及2002集的預告亦同時釋出，代表劇集將會繼續播落去。不過，仍然有人好期待今晚這集的「大結局」到底搞邊科？
在播出的預告片中所見，「大結局」見到大龍生（羅樂林飾）遇險，細龍生（鄭世豪飾）竟然見死不救，令大龍生在懸崖邊下墮，細龍生咆吼：「係你對唔住我在先，係你逼我呀！」。大龍生生死未卜，後來的畫面就見到大小姐（林淑敏飾）和KC（歐瑞偉飾）率領龍家上下喊晒口開記者會的場面，細龍生錄音聲稱在接龍放炸彈，又見到接龍集團辦公室大爆炸，似乎相當戲劇性。鄭世豪在IG分享預告片，並留言大賣關子說：「我都忍夠啦~今晚8點大結局~作個了結，再見！」
不少網友見到預告片都肉緊留言說：「噢No. 千萬不要結束 每天都祈望的節目」、「吓~冇啦啦大結局 又多一批失業兵團今次真係要回家咯」、「第2001集改名？哈哈哈哈哈」等等。今日呂慧儀在社交平台分享多張花絮照片，相中見到背後布景板大大隻字寫上：「新處境喜劇開鏡禮」同場更有熊家、龍家、接龍員工等演員，包括劉丹、張景淳、湯盈盈、古佩玲、羅樂林、樊亦敏、許家傑、林淑敏、滕麗名、袁文傑、李偉健、歐瑞偉、阮政峰、林浩文、吳卓衡、譚坤倫、孟希璘及吳展驊。他們以自己服飾參與疑似拜神開鏡的儀式，莫非...？
不過，他們照片中揭露新劇名原來是「仲要等吓！」即代表其實《愛回家》將會繼播下去，呂慧儀都有留言說：「二千再二千，繼續努力，可愛的伙伴們，一起加油！」那《愛回家》的鐵粉們可以好好放心，繼續追看！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
↓【請您試用】Parisine全新香水身體護理系列↓
↓潔淨肌膚同時散發綿長持久的香氣↓
