龔嘉欣受爺爺為生意拼博影響，早年在馬來西亞開火鍋店，但因疫情而暫時停止營，不過並未打消她做生意的念頭，2021年與朋友在港合資開設一間蛋糕店；今日，穿到紅噹噹的龔嘉欣開心宣布雙囍臨門。
新劇《靈戲逼人》今日在紅磡舉行宣傳活動，有份主演的龔嘉欣亦有現身，對於她在IG出post，貼了一張拿着一抽鎖匙的相片，並留言表示：「原本滂沱大雨，突然放晴，感恩安排，一直有着夢想，今天拿了這把鎖匙，責任更大，將會是我人生的新一頁，請為我加油！」
原來龔嘉欣又多一瓣飲食生意，今早去取舖頭鎖匙，她表示：「嚟緊會喺尖沙咀一個大型商場入面開餐廳，加埋會有蛋糕；今年年尾就34歲，我好想闖，近排我都畀自己一個好大嘅壓力，而家係一個好好嘅timing，40歲之前要博盡去闖，無論劇集定生意方面，我都好想呢幾年再去衝一衝。」
問到男友是否全力支持她？龔嘉欣指自己仍是單身，她笑說：「未搵到（男友），陰我呀！冇呀，真係冇，呢樣嘢（感情事）唔會擺喺咁前。」是否40歲後才考慮組織家庭？龔嘉欣說：「冇辦法，時間唔夠分，其實個個都話如果想有小朋友就早啲，尤其是我噚日去咗湊仔，我覺得好大責任，同埋好恐怖呀，所以要等我自己真係ready，搵到另一半，佢又ready同我組織家庭先至去做呢件事，但我好鍾意小朋友。」會否考慮先雪卵？她即指：「唔使，中醫話我身體好好，叫我唔使擔心呢樣嘢！」
提到她主演的新劇《靈戲逼人》今晚首播，由於可能很少人鬼戀的題材，所以得到很多觀眾支持，她說：「拍呢套都好辛苦，好熱好熱，同埋因為我做鬼，日日都要趴喺度食元寶蠟燭香，雖然感覺有少少奇怪，但同張振朗拍得好開心，好有火花，監製又畀我好大嘅自由度。」她笑言因膚色較白，所以有個天然鬼妝，加上拍攝時染了一頭金髮，搞到頭皮發炎流膿。她又指這套是最後一套存貨，下月將開拍另一套新劇《企業強人》。
」，
App內睇文同睇片可隨時捕捉U Fun彩蛋，
換領現金券及禮品！
↓【送】利苑迷你軟心陳皮紅豆月餅！↓
↓必試全新口味！清甜幼滑紅豆蓉+醇厚甘香陳皮↓
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
