《聲夢傳奇2》冠軍任暟晴（Jasmine）人靚聲甜，被視為樂壇極具潛力的新生軍。她近日密密在IG分享自己唱Cover歌的影片，其中她翻唱MIRROR成員陳卓賢（Ian）的歌曲《鯨落》，竟然獲得Ian本尊讚好，令Jasmine開心到飛起，更Repost曬命，莫非唔怕方丈小器嬲嬲豬？
Jasmine自從2022年10月贏出比賽後，一直都有為TVB的大型活動演出，前晚在《星光熠熠耀保良》大騷中，雖然耳機出現問題而失準，仍然識得執生解決，非常厲害！其實出道接近兩年時間，粉絲都好心急到底偶像的歌唱作品何時推出？Jasmine早於2022年11月，火速獲郭偉亮（Eric Kwok）及陳奐仁聯手，為她創作第一支個人單曲《Breath Away》，歌曲首次於《聲夢傳奇2海外踢館賽》中播放。
《Breath Away》未有拍攝歌曲MV，亦未見派台，所以Jasmine未能角逐去年樂壇新人獎，YouTube上仍是《聲夢傳奇2海外踢館賽》播出的版本，已經有高達1百萬點擊。Jasmine早前出席活動時，被問到是否會簽約TVB旗下的唱片公司，她不置可否，只答︰「工作未有安排。（擔心影響事業起步？）順其自然，簽唱片公司方面暫時未有諗法，都唔係自己一個決定。」至於同屆季軍趙紫諾（Sabrina）事業發展同樣「靜英英」，IG差不多半年未有更新，直至9月2日她的生日，才分享幾張新相，同答謝歌迷為她安排的燈箱生日應援。
難怪歌迷肉緊，事關一直期待Jasmine、Sabrina跟《聲夢傳奇》的大師姐炎明熹一樣，在樂壇發光發熱。
Jasmine的IG更新了工作聯絡人資料，歌迷大為緊張她是否會離開TVB？《晴報》致電求證，聯絡人Ruby原來是TVB的新經理人，接手負責Jasmine的工作安排，她表示Jasmine一直是TVB藝人，至於工作和推出唱片的安排則會陸續有消息。各位歌迷大可以放心！
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
↓【請您試用】belif皇牌補水套裝💧！↓
↓10秒為肌膚迅速保濕✨修復肌膚初老痕跡↓
