陳庭欣（Toby）昨晚在IG Story上載兩張店舖水浸的圖片，見到店內夾萬沾滿污泥，及員工戴上膠手套，蹲在污水上清潔疑似收銀機，面前貨品的包裝亦已浸爛，環境相當之惡劣，損失方面估計慘重。
陳庭欣今日接受本網訪問，透露相關圖片是男友楊振源（Benny）位於黃大仙中心北館地庫的店舖，毗鄰正是新聞報道所見，日前被水浸至沒頂的餐廳，損失仍在點算當中。陳庭欣表示：「佢嗰個情況真係前所未見，唔係一般人能夠去清潔，我都幫唔到手；同埋好似話暫時唔可以畀太多人入去，可能好多結構性嘅問題，都係等商場方面去安排。（預計損失幾多？）7位數字，幸好當時商場已閂門，最緊要冇同事或任何人傷亡。（呢間分店有份投資？）冇！」
至於男友楊振源現時的心情，陳庭欣話：「無奈，未見過咁情況！（有冇安慰男友？）又唔使特別安慰，佢見慣大場面，今次確實係誇張嘅。我哋最初睇閉路電視時，水浸係好矮，最多係浸到膝頭，點知過多冇幾耐，再睇就浸到半個貨架咁高，跟住就浸到成個貨架！（知唔知賠償點安排？）呢方面就唔清楚，咁多商戶，應該有排搞。我哋都只係啲貨，見到新界啲狗場、養豬場，佢哋先慘，小動物先至可憐。（當日要開工？）幸好唔使，有兩個朋友仲滯留咗喺我屋企。」
（↓點擊放大睇圖片↓）
《東張西望》派人到黃大仙中心北館採訪災後情況，見到工作人員積極清理現場，被浸至沒頂的冰室亦「重現天日」，見到店內設備已被浸壞，地上滿佈污泥，商戶入內收拾兼點算損失。其中一名受影響商戶受訪時無奈表示：「滿目瘡痍，比想像中更差，基本上係total lost，店入面全部都係泥同水漬，裝修、貨架都唔可以重用。估計所有損失過百萬，而家同商場嘅租務部傾緊之後嘅安排，傾埋之後可能有啲免租期，有啲時間畀我哋重整番。」
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
