小薯茄成員｜程人富用22日健身成功變「大隻」？ 操肌操到「逼爆」冷衫 連手都「長」埋

程人富曬出22日前後的對比圖，事隔一個月都唔夠，著同一件冷衫都有唔同效果，最新圖片中的他著冷衫明顯「窄窄地」，自言「大隻咗勁多」，「左邊2月3號，右邊2月25號。一個月都唔夠大隻咗勁多。所以幾時都話健康飲食加上好嘅健身教練真係好重要！」

+9

+8

點擊圖片放大

不過細心看，其實並不是程人富「大隻」咗，而是冷衫縮水，衫袖縮短不少兼變形。網友紛紛留言：「點睇都似縮水」、「唔好話俾人聽，件衫縮水到條邊都變形」、「你大隻咗同時件衫都縮左水」、「好明顯件衫縮水喎，無理由操到隻手長咗嘅」、「大隻到連手都長埋，衫袖短咗好多」、「操到隻手都長埋！」、「大隻牌洗衣機？」、「請問點練手長？」、「冷衫唔掉得落洗衣機」、「唔識點洗嘅衫就交比媽媽/未來老婆」。而他的健身教練亦留言：「我同你講一個好嘅教練一定要有好嘅洗衣機提供畀學生」程人富亦回覆：「多謝你部大隻牌洗衣機！」

冷衫算是較難清洗和護理的時裝單品之一，不僅容易變形，清洗時亦有不少顧忌。TVB節目《學是學非》曾教大家還原縮水毛衣，將縮水毛衣放入一盤溫水中，加入護髮素後浸30分鐘。浸泡後用毛巾吸乾水分，再輕輕拉長縮水的部分，最後將毛衣平放晾乾。

撰文：娛樂組

圖片來源：