YouTube頻道「小薯茄」成員程人富年初向拍拖11年半的女友梁雅瑩求婚成功，即將升呢成為「人夫」的他日前大曬健身「成果」，指自己用22日時間成功變「大隻」，「所以幾時都話健康飲食加上好嘅健身教練真係好重要！」
程人富曬出22日前後的對比圖，事隔一個月都唔夠，著同一件冷衫都有唔同效果，最新圖片中的他著冷衫明顯「窄窄地」，自言「大隻咗勁多」，「左邊2月3號，右邊2月25號。一個月都唔夠大隻咗勁多。所以幾時都話健康飲食加上好嘅健身教練真係好重要！」
不過細心看，其實並不是程人富「大隻」咗，而是冷衫縮水，衫袖縮短不少兼變形。網友紛紛留言：「點睇都似縮水」、「唔好話俾人聽，件衫縮水到條邊都變形」、「你大隻咗同時件衫都縮左水」、「好明顯件衫縮水喎，無理由操到隻手長咗嘅」、「大隻到連手都長埋，衫袖短咗好多」、「操到隻手都長埋！」、「大隻牌洗衣機？」、「請問點練手長？」、「冷衫唔掉得落洗衣機」、「唔識點洗嘅衫就交比媽媽/未來老婆」。而他的健身教練亦留言：「我同你講一個好嘅教練一定要有好嘅洗衣機提供畀學生」程人富亦回覆：「多謝你部大隻牌洗衣機！」
冷衫算是較難清洗和護理的時裝單品之一，不僅容易變形，清洗時亦有不少顧忌。TVB節目《學是學非》曾教大家還原縮水毛衣，將縮水毛衣放入一盤溫水中，加入護髮素後浸30分鐘。浸泡後用毛巾吸乾水分，再輕輕拉長縮水的部分，最後將毛衣平放晾乾。
撰文：娛樂組
圖片來源：
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
