方力申今日43歲生日，他提前在昨晚（25日）起飛到Doha（多哈）參加游泳比賽，笑言自己大個仔，第一次自己過生日。而且因為時差關係，方力申一次過經歷在兩地度過了兩次生日，所以他特別全程都要拍片紀錄下來。
今年生日方力申並沒有選擇跟女友葉萱一起過，反而選擇一個人去到外地，他前往多哈參加世界先進游泳錦標賽。方力申在昨晚（25日）香港時間7時登機，由於香港比多哈相差5個小時，所以會經歷兩次生日，他興奮地表示：「今日好特別，我大個仔喇，一個人搭飛機。真係大個仔，我會喺空中過一次生日，然後落機再過多次，係咪好神奇呢。」
當踏入香港時間11點59分時，方力申於飛機上忍不住連接上網分享：「忍唔住，用咗10元美金開Wi-Fi。平時好少講自己生日，唔想迫人同我慶祝，但今年一年大2歲，所以想紀錄下，而家大住1歲先，遲啲再大多1歲。」
當飛機抵達多哈，方力申落機時，當地時間亦剛剛好是25日晚上11點59分，他立即又再拍片分享情況：「又到咗11點59分，啱啱落機去攞行李，喺飛機上，又唔想瞓咁多，怕今晚瞓唔著。聽日要去拎比賽證件、兼且會游水鬆下。」
今次方力申會參加200米背泳賽事，他充滿信心地說：「相信今年一定會好過上年喺福崗（比賽），雖然過新年、兼同朋友食生日飯食多咗，但係狀態好。」他再次慨嘆很兒戲地，突然大了兩歲。朋友們如唐詩詠、張繼聰、袁偉豪、杜德偉等人留言送上生日祝福，見方力申經歷2次生日，呂慧儀送上加倍祝福，呂慧儀留言，「Happy birthday x2」。
方力申入行前是香港游泳代表隊，而且不時奪得驕人成績，2000年代表香港參加悉尼奧運會，其中在200米背泳及400米個人混合泳打破香港記錄。同年，方力申亦簽約唱片公司成為藝人，之後專注於演藝事業發展，但他都不忘在游泳上取得突破，近年不時飛往不同國家，參加世界先進游泳錦標賽，而且對自己要求很高，就算冬天溫度跌至單位數字，仍然冒寒跳落泳池練水。
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
