湯盈盈全家倒模生成五官同款 基因「霸道」錢嘉樂愈老愈似老婆

文: 程家健
2024.02.28

48歲湯盈盈與58歲錢嘉樂當年奉女成婚,唔經唔覺大女錢凱晴(Alyssa)已經11歲,而細女錢凱琪(Kassidy)都8歲。盈盈不時post相分享家庭樂,日前佢貼出全家去海洋樂園玩嘅相片,而湯媽媽同哥哥Anthony以及盈盈都成個餅印咁,加埋同佢日漸似樣嘅嘉樂同兩個囡囡,睇到人好錯亂呀!

湯盈盈同錢嘉樂當年因為同大熊貓「盈盈樂樂」撞名,所以去到海洋公園搞結婚,日前佢哋又一家重遊呢個咁有意義嘅地方,湯盈盈post出多張相,表示呢個係佢哋嘅新春「Family Day」。唔少網民都留意到其中一張相出現咗盈盈好少出現嘅媽咪同哥哥,雖然盈盈冇打任何caption,不過就咁睇樣,已經知道佢哋係有血緣關係,似樣到天涯海角都走唔甩。

除咗哥哥同媽咪之外,盈盈一對寶貝女都愈大愈似佢,真傳到媽咪嘅五官;而最神奇嘅都係嘉樂,同老婆愈來愈有夫妻相,似乎都畀盈盈嘅「霸道」基因影響到,而一雙腰果眼同高鼻更係尤其明顯!

湯盈盈1994年參選加拿大蒙特婁小姐奪冠,隨後在1995年到港參選國際華裔小姐競選(現稱國際中華小姐競選),雖然沒有獲得任何獎項,但旋即與無綫電視簽約成為藝員。盈盈曾參與多部電視劇集的演出,初時常被委派飾演一些狐狸精的角色,直至2005年於《阿旺新傳》飾演其貌不揚的「李笑好」而受到觀眾歡迎,更獲無綫電視頒發《萬千星輝頒獎典禮2005》「最佳女配角」,2007年在劇集《兩妻時代》首度擔正第一女主角。

盈盈自從做媽媽之後減少就幕前工作,僅於2017年參與拍攝處境劇《愛.回家之開心速遞》飾演「高柏菲 (David)」一角,其他時間專注照顧一對寶貝女,由嘉樂主力養家。盈盈不時都流露幸福笑容,錢嘉樂亦非常感激湯盈盈持家有道,琴瑟和諧。

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓