孔德賢望年輕演員多磨練多進步 「作品唔可以抹走過去但睇到努力」

文: 程家健
2024.02.28

孔德賢(Danny)近年成為TVB力捧的小生之一,早前在劇集《本尊就位》首次擔正男主角,觀眾的反應不錯。Danny笑認「病態」追看網上所有留言收集意見,曾因負面新聞打擊陷事業低潮,由昔日陽光男孩變得性格內歛,只望努力工作證明自己。他謙言年輕演員演技有限,期待未來跟不同的前輩多多學習。

 

Danny參演的《本尊就位》播放完畢,處男主演作有不錯的正面評價,不過仍難免被指似鄭嘉穎或羅子溢(原名:羅仲謙),他已經早已習以為常,「大學時代有個花名叫『理大羅仲謙』,其實由細到大都被人讚我似鄭嘉穎同羅子溢,聽到當然開心啦!兩位都係好成功嘅演員,演戲同婚姻家庭都好美滿,絕對係我羨慕同努力嘅方向。不過,我都希望觀眾可以盡快認得到我啦!」

Danny感激監製梁耀堅及謝東閔的幫忙,令他的第一次未至於瞎子摸象,監製要求他要學鄭少秋在武俠片的風範,而謝東閔一邊拍一邊教,「東閔係一位大哥哥,對我同陳嘉慧嚟講係個大前輩,外界眼中我哋都係男主角,應該要鬥戲搶鏡或者會比較嘅競爭對手,但我哋完全唔會有呢種感覺,反而佢提我咩位會加分,有啲位應該加少少眼淚等等,佢絕對係一份無私嘅支持,幫忙好大,我哋而家都係好朋友!」

Danny近年在事業上一直向前衝,他感激家人沿路上的全力支持,「當我收到劇本見到自己個名排第一,我好開心,第一時間話畀媽咪知:『媽,我要做男主角喇!』佢好開心,因為佢係我忠實粉絲。」他表示父母一直都有留意他的節目、劇集或者新聞,不會反對他的選擇,「佢哋從來冇反對過我入行,反而呢兩年擔心我太大壓力。其實劇集出街之後,我狂睇網上所有評論都好癲,不斷搜尋自己個名同劇名,有少少病態,畀自己太大壓力。」

Danny一入行就給予觀眾陽光男孩的感覺,不過4年前因與廖慧儀的緋聞鬧得熱哄哄,雖然兩人否認,但最終廖慧儀的男朋友自殺身亡,這次不幸的事件發生後,兩位的形象都大受打擊,甚至遭網友嚴厲抨擊。 Danny坦言:「仲記得件事之後,我要繼續照常開工,喺街頭同劉穎鏇拍《把關者們》,去到現場,冇任何一個人同我講嘢,我梗係知點解啦!打擊係大,令我收埋自己唔鍾意社交,甚至唔想出席有陌生人出現嘅場合,一收工就想遠離呢個圈。」由於情緒低落,Danny認為無法將快樂傳遞給觀眾,甚至不敢接綜藝節目,「當時連公司撰稿員都睇到我變咗,以往傲氣陽光大男孩個感覺都冇咗,有段時間只想拍戲,因為拍戲可以演另一角色。我知道作品唔會令以前嘅事抹去,但起碼畀觀眾睇到我努力嘅一面。」

 

TVB近年起用年輕演員作為劇集的主要班底,Danny憑《你好,我的大夫!》、《新聞女王》、《本尊就位》等逐漸越來越多觀眾認識,他感恩所有得到的機遇,「我聽過有人話:『當年林峯、黃宗澤、吳卓羲初出道一樣被人鬧,應該畀多啲新人機會!』聽到呢啲聲音 ,令我知道要更加努力,唔可以丟架。」他認為新人班底滿有新鮮感,但缺乏前輩的帶領和傳授,希望將來可以有更多機會,跟公司前輩好好學習,最想同陳豪合作,而他亦也期待將來還會有第二次男主角的機會。

撰文:楊安莉
攝影:何家賢

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓