東張西望│呂伯伯深山居住40年愛做獨行俠 飲雨水維生拒社工助「上樓」

同場加映：孔德賢望年輕演員多磨練多進步 「作品唔可以抹走過去但睇到努力」

77歲呂伯伯居住的山區遠離鬧巿，李旻芳訪問當日，下車後要行20多分鐘的斜路上山做採訪，後生女都行得喘氣難受，不過呂伯伯就十分享受。住在這間寮屋30多年，飽覽港島區景色，呂伯伯介紹家居環境：「夜晚可以見到整個港島區景，如果買樓，呢個觀景值幾十萬元，我好鍾意大自然，住郊野，好寧靜，冇人騷擾你，周圍冇人，一個人唔使應酬。」

生活好有個人品味的呂伯伯，在屋前有個「小花園」，放有小餐枱，下午在這裡看書，屋前有小餐枱，亦有假石盆景，門前有呂伯伯親手寫嘅對聯。年輕的時候呂伯伯熱愛音樂，屋內放滿數千張西方古典音樂、交響樂和大戲粵曲的黑膠唱片和卡式帶，單單是客廳已經有五座大喇叭：「熱愛音樂嘅人係有種幸福感，我聽交響樂，可以聽得好大聲。」

從呂伯伯的居所，還見到有不少生活智慧，由於沒有水供應，他靠食用雨水，他用不同大小的膠桶收集雨水，雖然水內有不少蚊卵：「啲蚊卵好易解決，用手搗搗就所有沉在底，就可以用上面的水。」呂伯伯親自搭建的小屋能抵擋颱風、大豪雨，但呂伯伯最怕是行雷：「最怕打雷：好震撼，唔同平時嗰啲，好大聲，會成個人跳起。」

呂伯伯後生時候做過不同工作、亦曾經行船，自言熱愛生命，熱愛生活，年輕時會交筆友：「如果經濟能力，同埋有健康，我會孭背囊浪跡天涯。」近年身體欠佳，肺部較弱要靠氧氣機生活，曾經試過半年要入4次急症室，其實出入已經不方便，幸好有行山友好心人發現他，隨後有社工協助，找回失散多年的弟妹，兼且協助「上樓」，呂伯伯卻說：「咁樣係想方便照住我，但落去下面只係一個棲身之所，唔係生活嘅地方，我唔會放棄呢間屋。」

+19

+18

點擊圖片放大

呂伯伯堅持自己的生活態度多年，網民都深表讚歎，覺得能夠在簡陋的居所住足數十年，而且有其生活品味，「真喺現代版嘅「關人隱士」呀!能夠半生人?無憂無累過到自己生活方式?真絕無僅有啊」、「好似修道士同清教徒既生活! 咁困難環境都住得到, 好犀利」、「咁都得？ 住兩日我都唔得！ 住40+犀利！ 不過睇落呂生健康唔係咁好， 希望有義工幫到佢」、「我以為堅持到唔打針已經係勁人」、「佢係雍正」。

撰文：娛樂組