龔嘉欣蛋糕店越做越旺開第4間舖 感情未有著落：演戲第一位
龔嘉欣發展演藝事業之餘，早年亦開創自己另一樣事業。因為自己喜歡食蛋糕，所以機緣巧合下遇到志同道合朋友，便合資開蛋糕店。蛋糕店的生意越做越旺，近日在又一城商場開第4間分店。龔嘉欣對於自己的生意都親力親為，她不時去到新店視察之餘，與同事一起落手落腳一齊做。而且十分有遠見，滿肚計劃，打算之後繼續在其他地區開分店，亦已有打算開首間港島區的分店，實行把蛋糕店做到連鎖式，遍地開花。可是龔嘉欣的事業得意，感情卻仍然空白，自己都笑言「趕時間」。
同場加映：孔德賢望年輕演員多磨練多進步 「作品唔可以抹走過去但睇到努力」
之前3間分店，龔嘉欣選址在尖沙咀和圍方，第4間分店，她則選擇在九龍塘區。她差不多瞓身營運在蛋糕店生意上，但她接受訪問時表示，演藝事業始終都是排在第一位，她情願犧牲瞓覺時間，都要睇住盤生意，十分勤力：「每日我都要處理蛋糕店業務，日日了解食品的出貨情況，收舖後又會打理盤數，所以基本上電話不離身。如果嗰日要開工拍嘢，事前會同同事講定聲，有乜事佢哋幫忙做。」
在蛋糕店現場，見到龔嘉欣好多時候都親力親為，打理舖頭外觀外，遇到有客人幫襯，龔嘉欣都會親自招待，她笑言：「我真係好鍾意拍戲，但一手一腳建立出嚟嘅蛋糕店，已經唔會視為生意，係自己嘅心血、自己BB，所以要落力啲。」而且不斷有改善，會跟據巿場上客人的喜好，每兩個月就會有新口味蛋糕推出。
做生意追求不斷進步，剛開第4間分店後，其實龔嘉欣同時亦都有其他的計劃，繼續越開越多分店，打算進駐香港區，但表明做生意絕不能太急，她說：「因為開咗幾間舖都係九龍區，港島區仲未有分店，呢間做到上手之後就會再行下一步。做生意唔易，所以要計算清楚。」
入行鮮有緋聞的龔嘉欣，亦因為開蛋糕店而傳出有男友松岡哲也，跟她一起打理蛋糕生意。松岡哲也九州長崎長大，18歲學做甜品，3年後再到福岡蛋糕店實習，前後共花了6年時間鑽研蛋糕同和菓子。不過曾經在模特兒界發展，但未放棄開設蛋糕店嘅夢想，約10年前跟隨大隊嚟香港行show，認識幾位打算開蛋糕店的日本朋友，當時29歲的他決定留港發展。
二人志趣相投，但龔嘉欣自言並沒有拍拖，而且暫時亦未有機會遇到真命天子，笑言都要開始著急一下：「冇拍拖，所以覺得好趕，唔夠時間。以前專注工作，唔識錫身邊人，但我成長咗，學識咗愛自己又愛人，希望遇到下一個時，我識得愛佢。」
撰文、攝影：王連連
IG：kewpluscake
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
