早霸王|梁嘉琪爆曾被有女友前輩撩上房 森美責「不應該」:係你開綠燈

文: 程家健
2024.02.29

現年41歲的梁嘉琪2020年離巢TVB,重返有線旗下嘅HOY TV做主持,而上年3月更開始與森美、小儀主持商台903節目《早霸王》。雖然因為高亢聲線同急促語調飽受網民抨擊,不過近日都漸有進步,今日開咪時更「有貨交」,大爆曾被娛圈前輩撩上房,令在場眾人都超驚訝!

同場加映:孔德賢望年輕演員多磨練多進步 「作品唔可以抹走過去但睇到努力」

梁嘉琪爆自己以前曾經有一段時期好down,當時有一位熱心「前輩」好關心佢並雪中送炭,令佢覺得人間有愛。嘉琪提到當時前輩邀叫佢去飯局,表示:「我哋呢度個個都(做)好多年,可以畀意見你。」嘉琪指自己當時好徬徨,覺得前輩真係幫到佢好多,心亦都因為咁定啲。飯局後,嘉琪指前輩主動表示車佢返去:「佢話你依家狀況唔係幾好,我送你返屋企。」之後二人去行沙灘前輩進一步開解佢。

講到呢度佢就被森美打斷:「硬係覺得好似有咸濕嘢,講飯局以為有富豪,不過睇下嘉琪應該冇咸濕。」之後眾人立即大笑,嘉琪續指:「佢送咗條水晶頸鍊畀我,佢同我講你依家有咩沮喪都好,你唔好放棄,望住呢條頸鍊……」森美就隨即指覺得「過份咗」,唔係前輩應該做嘅尺度。嘉琪指前輩之前指住前方酒店表示:「我喺嗰面book咗間房,今晚我陪你,我陪你傾偈....」嘉琪話前輩講到成件事好casual,佢就表態等對方唔好再進一步:「我同佢講:『我都好鍾意你女朋友xxx』,因為我要畀佢知我知佢有女朋友,但佢就話『哦,係呀』。」佢指之後自己上車拎番手袋,就急急離開,表示:「多謝你今日陪伴,我冇事喇。」

森美就即刻「譴責」嘉琪:「你畀晒綠燈行沙灘,你都『腎』嘅。」嘉琪反問:「即係我唔啱?」森美就斬釘截鐵答係,小儀都加把口話佢咁樣似係去到約會嘅「check point 3、4」。森美之後又再補多一刀:「我覺得佢唔係睇中你美色,我對你評價好低,我唔相信。」嘉琪之後表示咪後同佢哋講係邊個,如果大家知道邊個係男主角會更加覺得難以置信,森美就再話:「我唔想知,我唔相信。」

事件都引起網民討論,由於梁嘉琪2003年已經入行,所以「地圖炮」炸到唔少男藝人,唔少人都猜測嘉琪最失意係拍《學警狙擊》後嘅時期,劇集出街後佢被狂插演技差兼醜樣,更有網民要求無綫唔好再起用佢。當時佢回應指因為自己係舞台劇出身,相對其他演員會比較誇張,不過前輩都話第一次已經OK ,開頭信心有被打沉,又表示會畀心機,而前輩、監製都叫佢畀心機,意見比網民更重要,希望大家之後會對佢改觀。

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓