作為玄學家，陳定幫師傅在農曆新年前後一定忙到爆，為大家擺風水陣之餘，又會拍片提醒大家今年九運要注意的事項。近日，幫幫師傅終於可以放假，仲帶埋太太楊錳霏（Bee）一齊飛日本二人世界，遇上當地飄雪的美景，到底係咪師傅算到呢個浪漫Moment？但斷估師傅千算萬算都算不到，被捕獲到他飛機上「出事」的一幕。
同場加映：孔德賢望年輕演員多磨練多進步 「作品唔可以抹走過去但睇到努力」
幫幫師傅太太Bee在IG分享兩人的旅遊靚相，其中一張是飛機相的自拍照，Bee拍下老公跟旁邊日妹女士幾乎頭貼頭的情景，她搞笑留言說：「我真係大方到出神入化，喺飛機上，我老公同隔離個唔識嘅日本妹瞓到咁，我應該點做？在線等！」不過大方的Bee似乎未有因為這個情況而嬲嬲，隨後跟老公在富士河口湖歎高級的日本菜，期間更遇到戶外突然落雪，Bee特別拍片在IG分享美景。
不少網友都剝花生，打算睇睇幫幫師傅的下場，Bee歎完晚餐之後都有解答大家。她笑言：「個個都以為我會因為飛機瞓覺事件殺咗我老公，傻啦！呢啲咁千載難逢嘅機會，佢唔係成日有，我仲幫佢影咗相留念，咁大方嘅老婆去邊度搵？」
其實Bee大方都不是第一次，剛剛過去的情人節，Bee竟然沒有要求高級餐廳共進晚餐，反而要求係貼地譚仔，照顧住老公的荷包之餘，又滿足到自己，「呢個大餐一流！心滿意足！」不過譚仔之餘，幫幫師傅都好識做有買花送畀老婆，兩公婆認真Sweet Sweet！
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
