馮寶寶近年在馬來西亞深居簡出，早前返港為香港電影資料館舉辦為期三個月的展覽舉行分享會，大會安排當年15部桃源電影公司的電影公開播出，當中《夜光杯》及《雨夜驚魂》等都是馮寶寶有份演出的經典作。馮寶寶精神奕奕現身活動場地，興奮的滿場飛跟粉絲們碰面，非常開心。
同場加映：孔德賢望年輕演員多磨練多進步 「作品唔可以抹走過去但睇到努力」
資深傳媒人汪曼玲（汪姐）特別出席當日的活動，跟在有限時間跟馮寶寶和他的囝囝招啟正做訪問，並分享到她的「汪曼玲《快拍.曼鏡頭》」YouTube Channel。汪姐問到馮寶寶的自傳進度，她表示：「我曾經諗過寫，但情緒上唔係想再寫，因為...不如向前看啦！有啲人唔同，可能好有興趣，但我覺得如果唔開心，佢都係書嘅一部分，我何必要繼續去諗呢？無謂咁唔開心去過每一日，應該向前看，好開心咁生活。」
不過汪姐就分享不少馮寶寶昔日拍戲的有趣事，她表示馮寶寶當年被問到底小小童星為何隨時喊隨時笑都可以，後來寶寶姐就指當時繼母對她講，如果喊不出來就以後沒辦法拍戲，於是馮寶寶非常懂事，她知道家裡清貧要養家，所以導演要求甚麼都盡力做到。汪姐大爆當時馮寶寶日薪約30元，絕對是非常厲害的片酬，事關當時馬姐的收入每月都只是60元，加上馮寶寶由於受歡迎，所以連踩多部戲，收入絕對可以維持家庭。
而汪姐直擊現場都遇到馮寶寶兩個兒子招啟宗及招啟正，兩人特別由內地來港出席展覽力撐媽媽，其中細仔招啟正更為媽媽設計海報，將馮寶寶童年的黑白照添上獨特的色彩。招啟正接受汪姐訪問，他表示：「我不嬲都玩開藝術，我睇過媽咪以前舊相，覺得幾得意就可以創作一下。咁啱今次有個『影後談』，就可以拎出嚟畀觀眾影吓相留念。(睇完《夜光杯》覺得點？）我第一次睇晒成套，好特別，好似我睇到我個女，我變咗老竇去睇我個女表演咁，個感覺好特別。」
問到是否認同媽媽馮寶寶是天才童星？招啟正表示絕對是，跟媽媽年紀一樣時仍然是一嚿雲，他以媽媽為榮，絕對是學習的對象，「佢工作可以咁專心做，仲做咁多年，得到影迷咁長情支持，處世態度絕對值得學習。」
內容來源：汪曼玲《快拍.曼鏡頭》：https://www.youtube.com/watch?v=9y2zT_OkfxY
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【請您試用】RMK全新卸妝產品！↓
↓以油養膚 享受療愈式潔面體驗～↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
