鍾溥敏4年前被正印斥「拆散家庭」 才子徐緣遭千夫所指今仍愛得癡纏

現年38歲嘅鍾溥敏（Mandy）曾經參與2009年度香港小姐競選落選，不過當時就獲得最佳首飾演繹獎，之後都成為半個幕前人，擔任體育節目主持、編輯、記者同廣告內容創作等，至2016年開始參與電影演出。Mandy更同男友一同經營加大碼模特兒公司，而幾年前二人曾經因為桃色新聞齊齊上新聞，經歷「考驗」之後，二人如今仍然如膠似漆。

同場加映： 孔德賢望年輕演員多磨練多進步 「作品唔可以抹走過去但睇到努力」

身材逼爆嘅鍾溥敏不時都會喺社交平台大派福利，又會分享自己日常照以及同男友甜蜜旅行相，2022年情人節，佢就post出同男友合照放閃，留言：「更喜歡共患難的感覺，看到真實一面，才能走得更遠。祝大家情人節快樂！」鍾溥敏同男友可以話係「世界將我包圍，誓死都一齊」，事關二人喺2019年爆出戀情時，男方仲係有婦之夫！

+25

+24

點擊圖片放大

現年47歲才子徐緣（徐俊文）4年前同細佢9年嘅Mandy傳緋間，而Mandy當時更被徐太於於FB點名「拆散了我的家」，徐緣事後於FB承認「做錯了」：「過往一直不懂得好好維繫感情，對太太和女兒有所虧欠，現在需要為自己的行為負責。」不過二人隨即就版被影到撓手行街，Mandy當時表示同徐緣只係工作有來往，指兩人冇拍拖，不涉及男女感情，對於徐緣承認虧欠太太同女兒，Mandy就指係佢兩個嘅感情事，應該唔係好關佢事。

Mandy當時否認做第三者，但就知對方傾緊離婚。之後再有自稱係徐緣當時老婆胞妹，在徐緣FB留言鬧爆：「你呢個人渣，由始至終你冇同我家姐及緣緣親自道歉過…呢頭叫我家姐畀時間你諗清楚，嗰頭同鍾溥敏去高雄。」

圖片來源：Instagram