應屆港姐冠軍莊子璇(Hilary)於參選時有「翻版IU」之稱,最後以大熱門姿態贏得冠軍,不過都有唔少人覺得佢唔夠靚,尤其係決賽當晚唔知係咪「得罪」化妝師,「豬膽鼻」非常明顯。不過幾個月前佢嘅鼻突然升級,而日前佢post出12月嘅相更加同華姐冠軍朱晨麗撞樣,唔通人紅真係會愈來愈靚?
同場加映: 孔德賢望年輕演員多磨練多進步 「作品唔可以抹走過去但睇到努力」
莊子璇post出12月時頒獎禮場刊影嘅相,留言:「Social Media Detox End.Pick yourself up.Dust yourself off.And start all over again✨How’s your last day of February?🕶️(社群媒體排毒結束。振作起來,拍掉身上的灰塵,重新開始。✨二月的最後一天你們怎麼樣過?」相中嘅佢表情多多,一時扮花,一時單手托腮,勁kawaii!相中嘅佢同參選時唔同晒樣,「豬膽鼻」收窄晒,變成筆直間尺鼻,同近年嘅朱晨麗非常似樣,一時間都分唔到邊個打邊個!
唔少網民都留言大讚:「靚咗喎。」、「終於整左個鼻,好睇呀!」、「真係認你唔到。」、「個鼻打針收鼻翼?」不過都有人唔希望見到佢進化:「做乜鬼去整,冇晒特色。」其實莊子璇有回應過佢嘅樣貌點解會「進化」咗,佢被問到「變靚咗」話題時,大方表示現時孚用心化鼻妝,亦否認有打鼻針。
圖片來源:INSTAGRAM